![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F5e%2F6b%2F5e6b24ccede3eae9b03789629af15c51057b0c44%2F5e6b24ccede3eae9b03789629af15c51057b0c44.jpeg/full/!250,/0/default)
Celestial Baa Nisinkées!
Ndi, dííshjį́į́di háítʼao hininąąhígíí táá keyahji naadídootʼaał: áádi hoolaago hininąh doo, háítʼao nąądiijeehdi nitsʼíís atʼéhígíí, dóó áádi hooląągo bił hininąą doo.
Shik’is dóó shiláh, shi díishjį́ nihich’į’ haasdzííhígíí baa ahééhnisin. Saní nishlį́, áko nizhonigo shá haneiłkaah dóó achʼį anáhótiʼ ałdó bił haneikaah. Táá damǫǫ yaahdą́ą́ʼ shiishghaan atí yiishlaah. Sízį́į́hgo láʼídi nihichʼí haazdziih ntʼę́ę́ʼ, ndi diishjí tʼáá sidao nihichʼí hadeesdzi. Diishjíídi básodizin éí Niłchʼí Diyinii bee haasdzííʼígíí nihijei biyídi hólǫǫʼ doo.
Tʼáá aniidigo náhástʼédiin dóó baʼąą náhástʼéí shinąąhai binahjí áłah síídlííh doo dah dahíídą́ą́ʼ. Háísh yitʼao nizaagóó´ hini ná? ʼʼAsdą́ą́ʼ neeznadiin ninaaghai, háʼátʼíísh bóhoniłąąh?ʼʼ
Oolkʼiłigíí biniinąą doo bąąh hódeeshní da ndi tʼáá łahí éí bąąh hódeeshní.
Bóhooląąʼígií´ eí´ Yáłááshdi NZheʼé nizhonigo nághá nahasʼą́háʼátʼéii íítʼį́ éí bąąhasʼtʼí dóó Yisdaʼiinííł Ninaʼídláʼígíí éí biZheʼé Bináhatʼaʼ bee háditʼé dóó nihábiigha.1
Shííshghąąn áyóó´ neezgaigo, biníínąą Jesus Christ nigha ninaʼídláʼígíí yeigó bąąh aheenisin. Baa sidóhkées! Yisdaʼiinííł tiʼhoozoozniiʼ dadiníih dóó iiʼhonéésgai dóó biʼoolkłaah alʼłałaʼatʼę́ęgo2áko nighłąą joobaʼdoo, nidíídzí, haasdanhídoolǫǫs, --nihichʼí ánahootʼí nahalzhiizhgo.3 Jesus Christ tʼáá bí adaahalé Gethsesamedi doo Calvarydi: ʼʼTsidá aláádi God nishłį́į́h ndi yeigo tiʼhósíniid, dóó dił shitsʼi biih dahasdzánídę́ę́ʼ dił hádaazʼgó tiʼhósíniid.4 Atʼíísdzaahígíí binahjji bąąh nisískéés ʼʼDooládó áyóóʼátʼéii díí Israel yá diyinii nilį́.ʼʼ5 Yáʼátʼééh naashdleego Diyin béʼádziil bąąh ákwóniidzį́į́h tʼáá hódeesyeelgo dóó doo nantłʼahgo bąąh ákóniizį́į́h.
Jesus Christ Ninaʼídlá éí´binahji Yʼáʼąąshdi niZheʼé binahatʼa hadadítʼé. Diyin God bináhatʼaʼ nihil bee hózingo niheiʼiina biniyéʼígíí doo naninda lah. Kʼad éí tʼáá aniitso tʼáá nihí ííniidzingo háítʼao nahasdzáán háádi hoolaagóó hiníínąą doo. Łaʼ diné adaané, íyah, ídlą́, dóó íłhózǫ́, haala yiskąągo dah diitsaał; áádóó tʼáá áko dooʼʼ6 éí ayóó yoochʼiidígíí átʼé.
Kǫǫʼ éí yáʼátʼééhgo baa hané Diyin God bibeenahatʼaʼ: tʼáá háʼatiishį́į́sh neʼ iina éí bąąh nił hózhǫ́nígíí tʼáá bełtʼégo bąąh hózhǫ́nígíí neiʼiina hooląągóó nizhónigo éí ná átʼéii doo. Diishjíídi, nikáʼadoowolígíí Yáʼąąshdi NiZheʼé yeiʼnihikidhojidlį́į́ʼ neidoonilígíí, áko Shí ánihidiishní, bídahotʼaah ʼʼcelestial baa nisiskées! dah diniih dooʼʼ7 Naaltsoos Mormon Wolyéhígíídę́ę́ʼ Diyin yáʼyaltʼíʼii Jacob ʼʼDiyin kʼéhji nisíjikééso éí hooląągo iina átʼe.ʼʼ8
Díí iinadi haʼátʼį́į́shííh alaadi diyin kʼéhji yeigo bóholnííhígíí bóhodiilaał. Láʼí diné díí iina éí doo diyin kʼéji yaa nisídaakées dah. Ndi, dííshjį́į́di háítʼao hininąąhígíí táá keyahji naadídootʼaał: áádi hoolaago hininąh doo, háítʼao nąądiijeehdi nitsʼíís atʼéhígíí, dóó áádi hooląągo bił hininąą doo. Áko, celestialji nisinkées.
Tsídá ałtsé sodizin binaatʼáán sélį́į́ʼ yaahdą́ą́ʼ anihídiishní tsídá hahóótʼiʼ dóó ałtsojiʼ baa ntsíjíkees. Bąąh haashnéígíí éí Celestial kéyahdi bichʼí nidaalniish kweʼé nahaasdzáángi honinąągo éí íínilaadígíí binahji niłchʼi keyahji díoínaał.9
Diyin yínaʼneeztʼąąʼ diné dóó asdzaní diyin bighan ntsaadi áhídiiljeeh dóó yiłáhaʼdadeestʼąąn yikʼéh dah hołį́į́ʼgo tʼéíyá hoolʼaadgóó ahiłnąąʼaash doo. Áádóó aní: ʼʼTʼáá atʼé naaltsoos bikaagígíí, saad bee hadahį́į́sdziihígíí, dahdei˛́íkáhígíí, éí´ doodiyin bighan ntsaadi alyaaʼígíí …diné daatsʼą́ą́go tʼáá adíjí ninitʼį́.ʼʼ10
Tʼáá nihí doo áwiiłyąąhgóó níídzingo telestialjí bibeehazʼąąnii bikʼeh hojiłį́į́go naadiijeehdi telestial kʼehjí hátsʼį́į́s hólǫ́ǫ́ʼ doo. Tʼáá nihí doo bił háíjeehígíí bił keiwíítʼį́į́h doo.
Áko, shikʼis dóó shilah, háítʼao dóó hąądi dóó bił háíshį́į́h daʼ ní holʼáágóó bił hinínąąʼ doo? Tʼáá ní bee nóholnįį́h.11
Bąąh sinkéesgo, Shí anhidiishné niząągóó diníʼį́į́h---hoolaagóóji diníʼį́į́h. Jesus Christ ałtsé bąąh nisinkées, haala hoolaagóó néíʼiina dóó ná ninahídlą́ʼigíí yinídlaahgo tʼéíyá ná biigha.12 Dóó tʼáání bibee haząąnii bikʼé hóniłį́į́hgo éí´ ná biigha. Bikʼéhójiłį́į́hgo diishji binahji nił hołhózhǫǫh doo, dóó hoolaadi ałdó yiskąągo nił holhózhǫǫh doo.
Nichʼí nawiinąągo, celestialjí nisinkées! Nanihintʼąąhgo, ałąąʼ atʼáo biʼookąąhgo, celestialjí nisinkées! Nikʼis áyóóʼííʼnííʼnii doo nikáʼiiyeedgóó, celestialjí nisinkées! Ániinąąghahígíí daatsaahgo, celestialjí nisinkées! Diné niząądgóó bąąh dahasʼąągo, celestialjí nisinkées! Iina binaanish láʼí yileehgo, celestialjí nisinkées! Átiindzaahgo néíndzííhgo, Shí antʼéhigi átʼáo, celestialjí nisinkées!
Celestialjí nisinkéesgo nichʼínáwiinąąʼ doo.13 Neeznáá naahai yaahdą́ą́ʼ bił naanishígíí shaanaastłį́į́dgo aní ʼʼayóó diyin bighaan niyí hólǫ́ʼʼ dóó naanałah naatʼáánii shééʼoodlą́ biniinąąh shitsʼąąjí silį́į́h. Ndi yóóshdlą́ʼígíí celestialjí nisiskées binahjí shinaanish naasgóó yééshikáʼelwod nisin.
Celestialjí nisinkéesgo, nijéí łahgo andooʼniił. Tʼáá ákwiijí sodizingo nił yáʼátʼééh doo dóó nijéí biyídoo tʼáá aniigo sodizin doo. Tʼáá shǫǫndi tʼáá doo nisodizin chiyaan nahaniihí nahalingo sodilziní. Diyin tʼáá nilaadi bił bee hózin. Nisodizin nichʼí hánaadziihgo niyahodidoohił dóó nikáʼadoolwoł áko celestialjí nisinkées.
Baa nisókées Liberty Jailedi Diyin God Joseph Smith náʼookąąhgo yichʼí haadziih. Diyin God Joseph Smith yeeneenitinígíí yéígo tiʼhoosinįįhígíí éí ná yáʼátʼééh doo.14 ʼʼÁko yáʼátʼééhgo bíí hadinyaahgo,ʼʼ Diyin yeehaadziih, Diyin God ayóó átʼéego dóó baa haʼniihgo dóó tsʼídá wódahdi dooleeł.ʼʼ15 Diyin Joseph yeeyineeztʼąąhígíí éí celestialjí nisinkées, tʼáá doo diishjí yéígo nichʼí nahwiinanígíí baa nisinkéeshí. Nihisodizin éí---kótʼáo---nizhónigo bichʼí yeltʼí doo.
Celestialjí nisííkéesgo, doo yáʼátʼééhii bitsʼą́ą́jí néédaah doo. Tʼáá háíshį́į́h wódilná---daʼákad, ąąhąąʼá, ázee tsiʼoołááł, tódilhíł, ahachʼį́, asdzaaní tʼáá łchʼííʼ neilʼį́, iłniidéeł, chʼiyáán ałdó---díí Diyin doo bił yáʼátʼééh da. Ha’át’áosh? Tʼáá háʼátííshį́į́h áalago baa nanáhígíí éí nidiyin átʼe´. Éí bichʼídiníʼį́į́hdoodiyin bichʼí hadi haʼóní hadinʼį́į́h doo. Wódilná nidoonágo, diyin kʼéhjí dóó aají yił nidaalnishígíí nikáʼadolwoł. Tʼááshǫódi tʼáá doo wódilná nótʼahgo Diyin God bibeenaʼhatʼaʼí ayóóʼátʼéii bikee yinaał doo.
Celestialjí nisinkéesgo hákáʼadoolwoł iiłtoli bebeehazʼaanii bikʼé hojiłįį́hgo. Tsidá alaadi diné bee iina niyiiłchʼǫ́ǫ́h díí diyin beehazʼąąnii doo yikʼé dah hołį́į́h da. Dine Diyin God yiłáhadeetʼąąngo dóó nanałah asdzaani yiłnitiishgo binahji bee oodlą́ adin yilaah.
Chʼíídii bidoo yáʼátʼééhii yóʼoolkąąhgo asdzaani dóó diné nanałá yił dantį́ish. Diyin baʼałchiní beʼadziilii yee nilah awééʼ hódoołeełígííéí baʼałchiní yee nilah. Áko Diyin God bibeehazʼąąnii bikʼéhgo díí beʼeʼdziilii chóóʼį́. Díí iłnitį́į́sh éí diné dóó asdzaani azyéhgo tʼéíya baʼ atʼé.
Nahasdzáán bikaadi diné doo dah yóódląąh da ndi diné tʼáá aniinii doo yee nidahnitin da. Diyin aní diné doo yáʼa´tʼééhii éí celestial kéyahdi doo yah adooghal da. Áko iina kweʼédi bitah hilaahgo, tʼááshǫǫdi celestialjí nisinkées. Áko ásinsį́į́hgo, tʼááshǫǫdi neiʼiina łahgo anadleeh. Christ baa nidiidaał dóó yea haadzííh tʼáá atʼé bááhági átʼéii naaneididooʼaał néʼiina tʼáá anii łahgo anééhnidlaago.16
Celestialjí nisinkéesgo, nichʼí nahwíínáhígíí łahgo atʼéiigo niniłį́į́h doo. Nikʼis tʼáá aniiádaatʼéhígíí yitsʼaą˛ji nilį́į́hgo, celestialjí nisinkées dóó né oodlą́ éí tádii bidziil doo. Tʼáadoo bahatʼaadí Níłchʼi Diyinii kóníigo yaa halneʼ: Átʼah náás hoolzhishgóó łaʼ níłchʼi bindaʼadloʼii índa níłchʼi bidaʼiiníziinii bindaʼnitin dayíistsʼą́ąʼgo Christ dayoodláanii yitsʼáhidookah.17
Chʼíídii biyóóchʼiidígíí doo baʼ ninitʼí da. Tʼááshǫǫdi hashtʼé ádadóʼnǫsin Doodah óodláníʼígíí éí tʼáádoo deiyínołtsʼą́ąʼí. Baa jólʼígíí binaab yiniłtsʼąą doo---diyin yáyáłtiʼígíí, daʼooʼį́, dóó yitʼį́ adaʼelneʼ dóó Niłchʼí Diyinii, ʼʼéí tʼáá atʼé niłį́į́shjaan íídooleeł tʼáá atʼé adííniiłʼígíí yea nihił hodoolní.ʼʼ18 Tʼááshǫǫdi diyin kʼéjí binalniishgo yáʼąąshdę́ę́ʼ nichʼí hodooní ná biigha.19
Celestial bąąh nisinkéésgo neʼoodlą́ bidziil dooleeł. Ánii naashá yaahdą́ą́ʼ ashdlaʼáadah béeso shichʼí ninalyeeh ninádizígo. Tlʼéégo shéʼesdzaan Dantzel, daʼ Diyin bichʼí béeso nihilé azha tʼáá ałchʼį́į́ʼdigo shichʼí nihilyé ndi. Ndága. Tsííło łahgo aneetsaahgo tʼááłaʼí dóó´ biaan diiyaal Diyin bichʼí ninilah.
Daʼ nihisodizin łahgo ádzaah bibéeso ninííl yahgo? Nidaga’. Ndi áádóó tʼáá ninádizígo nináʼaashdleehgo łahgo áshííh laah. Éí bitsʼąądoo bóhoołąąh diyin bichʼí nijííleehgo éí doo beeso baʼátʼéii dah, ndi hwéʼoodlą́ bá átʼéii lah. Níʼiishłéégo yáʼąąshdę́ę́ʼ tséʼsǫ́dę́ę́ʼ shá ąąʼalyaah. Tʼáá náhidizííhgo shi béeso Diyin baa nahidiishʼaahgo, shinaanishjí bee shikíhojisdlį́į́h.20
Diyin baa nahidoohʼaahgo hwéʼoodlą́ hólǫǫgo tʼéíyá dóó hwééʼoodla dinisééh Diyin God dóó´ biYé Jesus Christ bichʼí.
Iina nitǫ́ǫ́ligo hijiinąągo hwéʼoodla bidziil yileeh, azhá nahasdzáánjí łahgo ádaatʼé ndi.
Diyin bighandi yáʼanijídaahgo hwéʼoodlą́ bidziil yileeh. Diyin bighan ntsaagoné hosdisingo nikáʼádoolwoł, celestialjí nisinkées doo. Diyin bighan ntsaagoné tʼáá aniinii bee hwił hané. Ákoné niłbeehódoozįįł háítʼao Celestialjí iina bikéyahgóó jídoogaał. Ní ahánígo Yisdaʼiiníílii bił nilį́į́ʼ doo dóó bibeʼadziilii nábíígha doo. Kʼad éíyá naasgóó noolǫǫsgo nichʼí náwíínahígíí haashtʼé dííleeł, azhá yéígo nantłʼahígíí ndi.
Diyin bighaan ntsaa goné ałhadiitʼą́ éí holʼáágóó baahastį́. Tʼáá naasgóó diyin bighan ntsaa adelné doo áko tʼáá ałtso diné bá bíígha doo. Diishjí, éí díí bił náhaasąądi aniidi diyin bighan ntsaa’ígíí bá ánaadahdoolnííł: ´Savaiʼi, Samoa, Cancun, Mexico, Piura, Peru, Vina del Mar, chile, Goiania, Brazil, Joao Pessoa, Brazil, Calabar, Nigeria, Cape Coast, Ghana, Luanda, Angola, Mbuji-Mayi, Democratic Republic of the Congo, Laoag, Philippines, Osaka, Japan, Kahului, Maui, Hawaii, Fairbanks, Alaska, Vancouver, Washington, Colorado Springs, Colorado, Tulsa, Oklahoma, Roanoke, Virginia, and Ulaanbaatar, Mongolia.
-
Savai’i, Samoa
-
Cancún Mexico
-
Piura, Peru
-
Huancayo, Peru
-
Vina del Mar, Chile
-
Goiania, Brazil
-
Joao Pessoa, Brazil
-
Calabar, Nigeria
-
Cape Coast, Ghana
-
Luanda, Angola
-
Mbuji-Mayi, Democratic Republic of the Congo
-
Laoag, Philippines
-
Osaka, Japan
-
Kahuli, Maui, Hawaii
-
Fairbanks, Alaska
-
Vancouver, Washington
-
Colorado Springs, Colorado
-
Tulsa, Oklahoma
-
Roanoke, Virginia
-
Ulaanbaatar, Mongolia
Diyin bikʼéhgo diirlerse diyin bighan ntsaaígíí adeelné áko celestialjí nisideikées doo. Diyin God hiná! Jesus éí Christ nilį́ Diyin bisodizin hánaatʼah áko diyin tʼáá ałtso baʼáłchiní bikidhojisdlííʼ doo. Shí Jesus Christ bízhi’ baa hasti’íi binahjį’ adishní, áámen.