Aisea e taua ai le mulimuli i le perofeta?

O Elder Dieter F. Uchtdorf o le Korama a Aposetolo e Toasefululua ua ia faasoa mai nisi o ona manatu e faatatau i lenei mataupu.

Ua i ai so tatou perofeta soifua i luga o le fogaeleele. Na te silafia o tatou luitau ma popolega.

E tulei saunoa mai perofeta ia i tatou i le suafa o le Alii, i upu faigofie.

O lea ua toe i ai i le taimi nei ia aposetolo, o tagatavaai, ma tali faaaliga o i latou ia o leoleo i le olo. E fetalai mai le Atua ia i tatou e ala mai ia i latou ia.

E alofa le Alii ia te outou; o le ala lea ua Ia tuuina atu ai ia te outou ia poloaiga ma upu a perofeta e taialaina ai outou i la outou faigamalaga i le olaga.

Ia tatou faalogo ma aoaoina ma faamalamalamaina e i latou o loo umia ki o le malo.

Ia tatou faafofoga atu ia ma faalogologo i perofeta o o tatou vaitaimi, a o latou fesoasoani mai ina ia tatou tulimatai atu i mea o loo faaautu i ai le fuafuaga a le Foafoa mo le taunuuga e faavavau o Lana Fanau.

Mai le “Ia Iloa le Iuga mai le Amataga,” Liahona, Me 2006, 44; “Ua Faamanuiaina le Ekalesia i le Lalolagi Atoa i Siufofoga o Perofeta,” Liahona, Nov. 2002, 12.