O SE MOLIMAU PATINO I LE FAAOLA
Ou te manatu o lou papatisoga i le 11 o o’u tausaga o se faailoga o le amataga o la’u molimau ia te Ia, e ona le Ekalesia ua ou auai. Talu mai lava lena taimi, ua i ai lou naunautaiga e mulimuli i aoaoga a Iesu Keriso, ma ola i mataupu faavae o le talalelei.
O le maua o lau molimau ia Iesu Keriso o se faagasologa alualu malie ma sa faatuputupuina i le toaga e auai i le Ekalesia. E masani ona ou lagona Lona alofa tele mo tatou, e ala i le matagofie o le natura, ma o lena mea na te aumaia ia te au le talisapaia tele o Ia. Ou te lagonaina le molimau mai o le Agaga pe a ou anapogi ma tatalo, ma maua tali o na tatalo, i le iloa o Iesu o le puluvaga i lo tatou va ma le Tama Faalelagi. Ou te fiafia lava i lo’u latalata ia te Ia i au tapuaiga fai soo i le malumalu.
I le gasologa o lo’u olaga e faatupulaia pea ma faamalosia lau molimau seia oo mai i lenei aso, e leai se faanenefu i lou mafaufau, o Iesu Keriso o le Alo o le Atua—o lo’u Faaola ma lo’u Togiola. O lea malamalama ua ou maua ai se faamautinoaga toafilemu ma le filemu.