OLA I ANA POLOAIGA
O Iesu Keriso o le ala moni lea, o le Areto o le Ola. O Ia lea na tuuina atu le matagofie i mea uma na faia mo le manuia ma le tausiaina o le tagata. E silisili lava o Ia i mea uma na faia e le Atua, o le Atalii Pele e toatasi i la le tino ma le Ulumatua i la le agaga. E ala atu ia te Ia, ua faaalia ai e le Atua Lona alofa tele mo tagata uma.
I lou olaga atoa sa ou maua ni faamanuiaga se tele, tele lava e ala i lou faatuatua ia Iesu Keriso ma faapitoa lava i le Togiola paia—o se mea sili ona faagaeetia na faia e le Alii. Ou te taumafai e faaali le alofa ou te lagona mo Ia i le ola lea i Ana poloaiga.
I le taimi lenei o au ma lou toalua o sui vaaia o Iesu Keriso, o loo ma auauna faa-faifeautalai faamisiona mo Ia. O se fiafiaga sili le talai atu o le talalelei a Iesu Keriso ma valaaulia tagata e o mai ia te Ia ma talia o Ia e fai ma o latou Faaola.