NA OU LAGONA LE TAITAIINA O A’U
A o o’u galue o se faifeautalai talavou i Nouei, na faapotopoto faatasi e lo’u peresitene o le misiona ia faifeautalai uma, e faailoa mai ai ua valaaulia i matou e pepese mo sauniga e lua i le faapaiaga o le Malumalu o Lonetona Egelani i le 1958. Na talosagaina au e tapiano.
Ina ua matou taunuu i le Malumalu, sa faateia a’u ina ua ou iloa ou te taina le okeni ae le o le piano. Ou te le masani i lea okeni, ma sa ou talosagaina se tasi e fesoasoani ia te au e faatulaga ia ki faatonutonu agai i paipa o le okeni. Na faafofoga e le Tama i le Lagi la’u augani ma le popole, ma sa laveai a’u e se tuafafine, i le faatonutonuina o le okeni mo leo malu mo fati mua’i taina, ma le taina o le okeni mo le aufaipese.
I le ogatotonu o lo’u le mautonu, sa ou faalogoina se lagona o le toafilemu. Ma ao ou taina se okeni ou te lei masani ai pe faataitaia, sa ou lagona le alofa o le Faaola i le taitaia o a’u. Ina ua uma le pese a le aufaipese, na taulai mai fofoga o Peresitene MaKei i le peresitene o le matou misiona ma saunoa mai, “Malo le Tau.” Na matua lofituina au i le lagona ootia, ona o le manuia o la matou faatinoga. E lei i ai sina faaletonu.
O Iesu Keriso o le Alo o le Atua, o le Toatasi na Fanaua e le Tama. O Ia o le Mesia paia, o le Alii o le Filemu. O loo Soifua o Ia, ma o le a toe afio mai i le lalolagi.