Elder Lawrence E. Corbridge

Ena Vitusagavulu

Sa mai vakaraitaka tiko oqo o Elder Lawrence Edward Corbridge na nona vakararavi tiko vua na Turaga.

“Ko Karisito duadua ga sa noda inuinui duadua ga ka noda inuinui kecega ka sa rawa me da vakayacora na veika sa kerea tiko o Koya me da cakava,” a kaya. “Sa rawa me da yalonuidei tikoga ni na vukei keda o Koya me da rawa ka.”

Sa mai taukena rawa o Elder Corbridge na ivakadinadina oqo mai na vuqa na yabaki ena veiqaravi vaka-Lotu, oka kina na ilesilesi ena bisopi, lewe ni matabose e cake, peresitedi ni iteki, ka peresitedi ni Tabana ni Kaulotu ni Vualiku kei Chile Santiago mai na 2002 ki na 2005.

E a sucu ena ika 16 ni Epereli, 1949, kivei rau o Ivan Corbridge kei Agnes Howe Corbridge, ka a susugi cake o Elder Corbridge e Provo, Utah mai Amerika. Mai na 1968 ki na 1970 a laki kaulotu ki na Tabana ni Kaulotu ena Vualiku kei Argentina.

A taura o koya na nona diqiri ni bejela ni vuku (science) ena liutaki ni bisinisi kei na diqiri ni vuku vakalawa mai na Brigham Young Univesiti. Ni oti na qeretueti, sa tekivu cakacaka vaka-lawa, kei na gauna a mai kacivi kina ki na iMatai ni Kuoramu ni Vitusagavulu, e a taukena vakasea ka loya iliuliu tiko ena dua na kabani ni lawa e Salt Lake City.

A vakamautaki Jacquelyn Shamo ena Valetabu e Provo Utah ena 21 ni Tiseba, 1974. Ni se cauravou, e dau laki cakacaka tale tu ga o Elder Corbridge ena vula ikatakata ki na vei ba ni bulumakau e Idaho kei Utah, ka tekivu me taleitaka kina na cakacaka e tautuba, e dua na ka talei e wasea yani vei watina kei na luvena tagane e lima ena veitavi qaravi, oka kina na kaba baba vatu, soko uciwai, na siki, kei na vakasisisi ena waicevata.

“Na vuli ka, itovo, kei na veimaliwai, vakabibi ena matavuvale, sa so vei ira na isaluwaki ni bula e bibi dina,” a kaya. E dua tale o ya me da “nanumi Karisito ena veigauna kecega.”

E tomana o Elder Corbridge: “Eda caka veiyalayalati ena veimacawa me da vakayacora sara ga na veika o ya ena gauna eda vakaivotavota kina ena sakaramede. Ena so na gauna eda lutu koso. Ia e kaya na Turaga me da rai yani Vua ena noda vakasama kecega. Se da cakacaka tiko me baleta na matavuvale, se da marama tina ka dau qaravi vuvale, se sa davo koto e valenibula ka sa vo ga e ono na vula mo bula tiko kina, sa noda bolebole tikoga o ya—me da dau nanumi Koya tikoga ka vakayacora ga na ka ena cakava o Koya