Vakaraitaki ena Vidio

E a vakaraitaki e dua na vidio ena soqoni raraba ni Goneyalewa, ka tukuni kina na ivakasala nei Peresitedi Thomas S. Monson— kei na nodra cau e dua na ilawalawa goneyalewa kei na nodra iliuliu, me baleta na ka era sotava ena nodra vulica tiko na vaqaqara kei na ciqomi ni veituberi ni Turaga.

Sisita Clayton

Ena vula ikatakata sa dromu e a katakata sara nodra lomatarotaro o ira na noda goneyalewa. Era a vinakata mera kila na ivakasala ni Lotu me baleta na isulu ni sili e wai. Me a soli e dua na kena i sau ia keimami a sega ni solia, ka keimami sa yalonuidei me keimami vuku sara, ni keimami sa nodra iliuliu, me keimami vagolei ira ki na iVurevure. Sa rawa me ra taroga; me ra kila ga vakai ira ena dua na kena iwalewale kei na nodra kila vakavinaka e yalodra kei na vakayacori na sala ni kena cakacakataki na kena vakasaqarai ka kunei na itukutuku mai lomalagi kivei ira yadua me rawa kina ni ra laki taurivaka tiko na iwalewale oqo ena veigauna ni nodra bula mai muri.

iMatai ni Goneyalewa

Ni keimami sa tekivu, au a nanuma vakaoqo, “Oi, IO. Se baci dua tale na itavi me kau ki vale ka laki vulici.”

iKarua ni Goneyalewa

Na ka qo ena vukea na noqu toro voleka vua na Tamada Vakalomalagi.

iMatai ni Goneyalewa

Ena vukei au talega ni’u sa qase cake, me baleti ira sara ga na luvequ yalewa.

iKatolu ni Goneyalewa

Ena gauna au sa tekivu vakasaqara dina na isau ni taro, sa yaco sara ga mai vakatotolo.

Sisita Clayton

Ni da raica vakaivunau na veika oqo, sa sega tale ni dua na ivurevure bibi me vakataka na ivolanikalou.

iKatolu ni Goneyalewa

Au a saga vagumatua sara me’u kila na isau ni taro ena ivolanikalou ka vaka me sega kina.

iMatai ni Goneyalewa

Ia ni’u sa vakasaqara sara vakatitobu na iulutaga oqo au vakila, ni’u via vulica ka kila vakalevu cake sara.

iKatolu ni Goneyalewa

Au sa tekivu kunea tikoga na veitikini ivolanikalou me baleta na ivakarau savasava, me vakataka ga e dua na marama ivakarau vinaka ka savasava, ia ni se qai tekivu, au a sega ni kila na kena ibalebale vei au. Ka’u sa masulaka—ka sa vaka me’u namaka na isau ni taro e matata ni’u masu ia au sega tikoga ni yacova rawa. Ia au a qai kidava rawa, me vaka ni sa saumi mai vei au, na masu e kauta mai na Yalotabu kei na ivolanikalou sa tu makawa ga kina na isau ni taro, ka ni sa vaka me dua ga na ivakarau ni bula.

iKarua ni Goneyalewa

Sa saumi mai eso na noqu vakatataro, ia era sega sara ni matata sara, sa dina ga, baleta ni sa dodonu ga me’u cakava na noqu itavi ka vulica mai kina vakai au.

iKatolu ni Goneyalewa

Au a namaka tiko me mai tukuni va’qo vei au, “Oqo na isulu o rawa ni daramaka.Oqo na isulu e sega ni rawa mo daramaka.” Ka’u a sega ni vinakata me [vaka o ya] baleta ni sa laki noqu digidigi tale. Ka sega vei au na kena lawa dodonu. Ia au sa vakavinavinaka oqo ni sai koya oqori na kena isau au sa mai taura ‘baleta ni’u nanuma ni sai koya oqori na kena e dodonu kece vei ira na goneyalewa e vuravura taucoko.

iMatai ni Goneyalewa

Au sa vakila e yaloqu, io, au sa toro voleka tiko vua na Tamada Vakalomalagi, ka vakabibi vei ira na goneyalewa oqo, ni ra sa kila na veika era sa sotava mai mera kila na isau ni nodra taro, e malaude kina na yaloqu ena vukudra kece, kau sa lomani ira taucoko sara ga.

Sisita Clayton

Ni da mai veitauri liga ena ituvatuva oqo ka wasea na lomada ka ciqoma na veivakauqeti ka vakila na cakacaka ni Yalotabu, eda sa duatani sara kina. Era sa vulica ni Tamada Vakalomalagi e kauwaitaka na veika era kauwai tiko kina. Era sa vulica ni lomani ira o Koya. Era sa vulica ni veika cava ga era na kerea, ena rogoca o Koya ka na sauma.

iKatolu ni Goneyalewa

Ena ituvatuva oqo sa vaka me’u kila dina kina ni isau ni taro e sega ni ka e dau vakadua ga ena bula taucoko, ia sai koya e dua na ka sa rawa me’u vakayagataka ena veigauna taucoko. Kei na kena gadrevi me tauri mai na isau ni veitaro oqori, sa dodonu meu tudei tikoga ena vosa ni noqu masu kei na wilika na noqu ivolanikalou kei na kena tomani tikoga na noqu maroroya tiko na kena Yalo vaka o ya.

iMatai ni Goneyalewa

Sa rawa me’u masu Vua ena gauna ga au gadreva kina ka sa tu e tikiqu o Koya, ena veitalia ga se cava. Sa dau tu e tikiqu o Koya ka, veigauna kece, kila ga, vukei au ena ituvaki ni bula kecega.

iKarua ni Goneyalewa

Ena gauna au dau rarawa kina se gadreva na veivuke, sa rawa meu kerea Vua.

iMatai ni Goneyalewa

Au kilai au tiko ka’u kila na veika au tutaka tiko ka’u kila na kequ ituvaki niu daramaka na isulu dodonu. Ka’u kila ni gauna au vakaisulu rakorako kina sa na rawa me’u toro voleka vei Tamada Vakalomalagi ka voleka sara yani vua na Yalotabu.

iKatolu ni Goneyalewa

Sa qai dua na ka e totoka ni vakilai sara ni ko railesu me vakataka ena noqu ivolaniveisiga ka kunei kina ni a saumi mai na noqu masu ka saumi mai na noqu vakatataro mai vua na Turaga.

Peresitedi Thomas S. Monson

Sa rawa meda kunea na veika dina ena ivolanikalou, ena nodra ivakavuvuli na parofita, mai na nodra veivakasalataki na noda itubutubu, kei na veivakauqeti e yaco mai vei keda ni da tekiduru ka kerea na veivuke ni Kalou.

E na so na gauna na isau ni taro e dau rawa ni yaco vei ira na itabagone me baleta na veitaro ni bula oqo e dau kunei ga ena nodra dau tekiduru ka masu vua na Tamada Vakalomalagi.

Ka’u sa vakadinadinataka ni kevaka era na nanuma tiko oya, na Turaga sa na dau nanumi ira tiko ka na dau sauma na nodra masu, sa na rawa kina me ra sotava na veibolebole e yacovi ira mai.