MANATU MO AFIAFI FAALEAIGA

O nei fautuaga faaleaoaoga e mafai ona faaaoga i potuaoga faapea foi i le aiga. E mafai ona e fetuunaia nei manatu ina ia fetaui i lou aiga po o lau vasega.

“Faaavanoaina o le Taimi ina Ia Paia,” i. 20: Aoao atu le manatu o le faaavanoa o se taimi mo mea e faamuamua e ala i le faia o le gaoioiga lenei. Faaali atu i lou aiga se koneteina e leai se mea o i ai ma ni nai oneone, iliili, ma ni maa. Tuu oneone i totonu o le koneteina, sosoo atu ai ma iliili, ona tuu lea i ai o maa. (Fuafua muamua le tele ina ia le ofi uma i ai maa i le taimi lea.) Faamatala atu e tatau lava ona tatou fuafuaina taimi mo mea e sili ona taua. Toe fai le gaoioiga, tuu muamua i totonu ia maa ona sosoo ai lea ma iliili ma le oneone i le avanoa o totoe. Faaaoga le tusiga, e talanoaina ai po o a “maa,” po o faamuamua, o i ai i o tatou olaga ma pe faapefea ona faaavanoa se taimi mo na mea.

“O Se Valaau ia Tuputupu Ae,” i. 28: Faitau leotele le vaega “O Se Lesona e uiga i le Molimau.” Talanoaina pe na faapefea ona maua e Elder Soares lana molimau, ma pe na faapefea ona fesoasoani ia te ia e ola ai i tulaga faatauaina o le talalelei. Tusi se lisi o mea e mafai ona tatou faia e faamalolosia ai a tatou molimau. E fesoasoani faapefea se molimau tatou te ola ai i le talalelei?

“Oo i se Suiga o le Loto,” i. 39: Tusi i luga o se fatu pepa le “faatuatua,” “amiotonu,” “alofa,” ma le “faatoilaloina o le lalolagi” (tagai i le vaega “O Faamanuiaga o le Toe Fanau Mai”). Talanoaina pe mafai faapefea e nei mataupu faavae e fa ona fesoasoani i tagata o le ekalesia, ia latou iloa ai se suiga o le loto. Faapupula atu lenei suiga i le faasoa atu o le tala ia Aiveni. I le isi itu o le fatu pepa, lisi ai mea e mafai e lou aiga ona fai ina ia ola ai i nei mataupu faavae.

“Faatuatua i le Atua,” i. U8: Fai i tagata o le aiga e faaaoga le lima e tasi e nonoa ai o latou seevae. Talanoaina pe aisea e faigata ai. Fai laia i ai e tago le tasi e nonoa seevae o le isi. Talanoaina pe faapefea ona faigofie atu le galuega i le galulue faatasi. Faitau le tala, ma talanoaina pe faapefea ona faamalolosia lo outou faatuatua i le Atua pe a outou galulue faatasi e faamaea lenei polokalama. Filifili se gaoioiga mai le tusitaiala o le Faatuatua i le Atua e galulue faatasi ai i le vaiaso a sau.