Ua Maua le Tusi Fusitolu FaaPotukale i luga o le Initoneti

E tusa ma le tasi miliona tagata o le Ekalesia e tautatala i le gagana Potukale ua mafai nei ona suesueina le tusi fusitolu a le AAG i luga o le Initoneti i la latou lava gagana. O le lomiga faaPotukale o Tusitusiga Paia a le AAG i le Initoneti na faamatuu mai e le Ekalesia ia Fepuari 2008, i le http://scriptures.lds.org/pt.

O le lomiga faaPotukale e i ai faamatalaga faaopoopo i le pito i lalo, fesoasoaniga mo suesuega, faafanua, ata, ma le tulaga e mafai ona makaina mau. Sa matuai tele se toe iloiloga ina ia mautinoa ua sao lelei le tusiga. O le lomiga faaPotukale o tusitusiga paia ua i ai faatasi ma faila ua tuufaatasia o faila o leo e mafai ona faaaogaina lea sa tuuina i luga o le initoneti i le 2007.

I se taumafaiga ina ia fesoasoani i ni tagata se toatele o le Ekalesia ia mauaina ia tusitusiga paia mo suesuega a le tagata lava ia e faapea foi i le sauniaina o lesona, na muai tuuina ai e le Ekalesia ia lomiga faaPeretania, faaFarani, faaSiamani, faaItalia, ma le faaSipaniolo o le tusi fusitolu i luga o le initoneti. E silia ma le luasefulufa ia gagana o loo liliuina i le taimi nei o tusitusiga paia a le AAG mo le faaaogaina i le initoneti.