Ua Maua le Fonotaga Faaleaoaoga a Taitai i le Lalolagi Atoa i se Tamaitusi, DVD

O tusiga o le Fonotaga Faaleaoaoga a Taitai i le Lalolagi atoa, 9 Fepuari, 2008 mo tagata matutua uma o le Ekalesia o le a faasalalauina atu i se tamaitusi ma auina atu faatasi ma mekasini o le Ensign ma le Liahona o Iuni 2008. O le a maua le tamaitusi i gagana e 23. E maua foi tusiga i gagana e 77 i luga o le LDS.org.

O le a maua foi le faasalalauga i luga o le DVD i gagana e 16 e auala atu i faletusi autu.

Sa faasalalauina le aoaoga i le lalolagi atoa i tagata matutua uma o le Ekalesia ua 18 tausaga ma sili atu. Sa taulai atu le fonotaga i le atiina ae o ni fanau amiotonu. Sa taualugaina le fonotaga e Peresitene Thomas S. Monson i ni taiala se tolu ina ia avea ai le aiga o se sulufaiga o le fiafia: ia faia “tatalo faaleaiga,” fatuina o se “faletusi o le aoaoga,” ma le faavaeina o se “talatuu o le alofa” e ala i faataitaiga.

Sa toe iloiloina ai e Peresitene Boyd K. Packer, le Peresitene o le Korama a Aposetolo e Toasefululua le “O Le Aiga: O Se Folafolaga i le Lalolagi” (Liahona, Oke. 2004, 49) ma lona taua.

O Elder Jeffrey R. Holland o le Korama a Aposetolo e Toasefululua na fofogaina mai le autu o le fonotaga ma sa auai foi i se talatalanoaga i le atiina ae o ni fanau amiotonu faatasi ai ma Elder Dallin H. Oaks o le Korama a Aposetolo e Toasefululua; Julie B. Beck, peresitene aoao o le Aualofa; Susan W. Tanner, peresitene aoao o Tamaitai Talavou; ma Cheryl C. Lant, peresitene aoao o le Peraimeri.