Ua Maua le Faavaa o le Lomiga Faapitoa o se Faatufugaga

O le faatufugaga sa faaaoga e avea ma faavaa o le lomiga faapitoa o le Liahona ma le Ensign o Mati o loo maua nei i faletusi autu i le lalolagi atoa ma luga o le LDScatalog.com i ni lapopoa eseese. O le ata tusi o Iesu Keriso na saunia e Carl Heinrich Bloch (auiliiliga mai le Keriso ma le Tamaitiiti) o le a maua o se ata vali 5”x7” (13x18 cm, aitema nu. 06642-000), o se ata vali 8”x10” (20x25 cm, aitema nu. 06643-000); ma se ata vali 11”x17” (28x43 cm, aitema nu. 06641-000).

O le tusiata Tenimaka o Carl Bloch (1834–1890) sa poloaiina i le 1866 ina ia faia ni atavali se 23 mo le falesa o le Maota Tele i Frederiksborg ina ua mavae le faatamaiaina e le afi. O le galuega ina ia faaalia mai ai le soifuaga o Keriso e lata i le 14 tausaga na faatinoina ai.