Mai le Soifuaga o le Perofeta o Iosefa Samita

O Se Aso o le Mana o le Atua

Mai Aoaoga a Peresitene o le Ekalesia: Iosefa Samita (kosi aoao a le Perisitua Mekisateko ma le Aualofa, 2007), 407–08.

Ina ua faatoa siitia atu le Au Paia o Aso e Gata Ai i le nofoaga o le a avea ma Navu, o se nofoaga faataufusi ma tumu i namu. Na toatele tagata na iu ina mamai ma maliliu ai. Sa avatu e Iosefa ma Ema i latou na mamai i lo laua fale ogalaau ma sa faapena foi ona tuu atu o la moega [e faaaoga e tagata mamai]. Sa momoe i laua i fafo i se faleie.

Sa i ai se aso na taua mulimuli ane e Uilifoti Uitilafi e faapea, “o se aso o le mana o le Atua.” Ina ua uma le lotu i le taeao, sa faamanuia loa e Iosefa e na mamai.

Polika, e i ai sou faatuatua o le a faamaloloina oe?

Ioe, Iosefa, e i ai.

Na o atu Iosefa ma Polika e vaai Elijah Fordham, o le na toetoe a maliu. O minute taitasi lava na faapea o lona taimi mulimuli lea.

Na uu e Iosefa le lima o Elijah. I le taimi muamua e le i tali Elijah, ae sa vaaia e tagata uma na i ai i le potu le aafiaga o le Agaga o le Atua na oo atu i ona luga.

Uso Fordham e te iloaina au?

Elijah, e te iloaina au?

Ioe!

E i ai sou faatuatua e te malolo ai?

Ou te fefe ua tuai tele. Ana e vave teisi mai …

E te talitonu ea o Iesu o le Keriso?

Ou te talitonu, Uso Iosefa.

Elijah, ou te poloaiina oe, i le suafa o Iesu le Nasareta, ia e tulai ma ia e atoatoa!

O upu na tautalagia e Iosefa sa pei lava o le siufofoga o le Atua. Na pei ai e luluina le fale, ma na mafua ai le puna ese o Elijah mai lona moega.

Na oo mai le lanu maloloina i foliga o Elijah, ma na faaalia mai le ola i ana taga uma. Sa valaau atu o ia mo ona lavalava, tausami se ipu silio ma le susu, ma fai lona pulou. Ona la o lea ma Iosefa e faamanuia isi tagata mamai o le ekalesia.

Ata na tusia e Sal Velluto ma Eugenio Mattozzi