Molimau Faapitoa
O le a le liua moni?
Mai le “O Le Liua Atoaota e Aumaia ai le Fiafia,” Liahona, Iulai 2002, 27; Ensign, Me 2002, 25.
Ua faasoa mai e Elder Richard G. Scott o le Korama a Aposetolo e Toasefululua nisi o ona manatu e uiga i lenei mataupu.
I se faaupuga faigofie, o le liua moni o le fua lea o le faatuatua, salamo, ma le tumau i le usiusitai.
O le faatuatua e sau mai le faalogo i le afioga a le Atua ma tali atu i ai. O le a e mauaina mai le Agaga Paia se molimau faamautinoa, e uiga i mea ua e taliaina i le faatuatua e ala i lou faia ma le naunautai.
O le a taitaia oe ia e salamo i mea sese ua fai, po o mea sa’o foi e le i faia. O se taunuuga la, o le a malosi atili lou tulaga e gafatia ai ona e usitai e le aunoa.
O lenei faataamilosaga o le faatuatua, salamo, ma le usiusitai e le aunoa o le a taitai atu ai oe i se liua ua sili atu faatasi ai ma ona faamanuiaga e maua ai.
O le liua moni o le a malosi atili ai lou tulaga gafatia e faia ai mea e te iloa e tatau ona fai ma le taimi foi e tatau ai ona fai, tusa lava po o a tulaga o i ai.
Ata na tusia e Beth M. Whittaker