O Se Valaaulia mo se Afiafi Faaleaiga
Gladys Elena Yepes de Velásquez, Antioquia, Kolomupia
Talu mai lou papatisoga i le 12 tausaga ua mavae, ua tele lava se suiga i lo’u olaga. Ona o lenei mafuaaga, na ma filifili ai ma lou toalua e fetufaai atu le malamalama paia ua ma mauaina i le toatele o isi tagata eseese. Sa amata ona ma valaauliaina faifeautalai ma nisi o tuaoi i lo matou fale mo afiafi faaleaiga.
Sa matou faia ni kata valaaulia laiti mo o matou tuaoi. E toatele tagata na amata ona auai o e sa fia iloa pe o le a lea mea o le afiafi faaleaiga. Sa sili atu le fiafia o nisi nai lo isi, ae o le toatele lava sa fiafia i gaoioiga ma meaai mama. Sa iu ai lava ina papatisoina se tasi o aiga sa matou valaauliaina!
A o ou faasoaina atu lo’u fiafia i le auai ai i le Ekalesia a Iesu Keriso o le Au Paia o Aso e Gata Ai e ala i afiafi faaleaiga, na tuputupu ae ai foi ma lo’u faatuatua.