Para sa Gagmayng mga Bata

Ang Pagkasama sa usa ka Misyonaryo

Ang mensahe nga gipakigbahin sa mga misyonaryo ngadto sa mga tawo kabahin sa plano sa Langitnong Amahan alang kanato sa kanunay managsama ra. Si Enoch usa ka propeta sa wala pa matawo si Jesus dinhi sa yuta. Ang Ginoo misugo kaniya sa pagpakigbahin sa ebanghelyo, sama sa gibuhat sa mga misyonaryo karon. Kolori ang litrato ni Enoch. Dayon magdrowing og sinina sa misyonaryo diha ni Tanner aron makita kon unsay panagway sa mga misyonaryo karon.

Mga tabang alang sa mga Ginikanan: Ipasabut nga si Enoch gisugo sa pagpakigbahin sa ebanghelyo. Wala niya hunahunaa nga siya makahimo tungod kay nagtuo siya nga siya walay igong kahibalo. Ang Ginoo misulti ni Enoch nga siya makahimo sa bisan unsang butang uban sa panabang sa Ginoo. Tungod kay si Enoch masulundon, ang Ginoo mipanalangin kaniya nga makatudlo sa katawhan. (Tan-awa sa Moises 6:31–38.) Pangutan-a ang inyong mga anak kon unsay ilang mabuhat karon aron mahimong maayo nga mga misyonaryo sama ni Enoch.

Mga tabang alang sa mga Ginikanan: Ipasabut nga bisan tuod si Tanner wala pa matawag sa pagserbisyo og full-time nga misyon, siya makahimo gihapon sa paghimo og misyonaryo nga buhat samtang siya batan-on pa. Tabangi ang inyong mga anak sa pagdrowing og modernong sinina nga pangmisyonaryo alang kang Tanner. Pangutan-a sila kon unsay ilang mabuhat karon aron makaandam nga mahimong usa ka full-time nga misyonaryo. Paghisgot mahitungod sa pagbuhat og mga butang sama sa pag-ampo, pagbasa og mga kasulatan, ug pagtabang sa uban.