Ang Spotlight sa Templo

Ang Templo sa Cardston Alberta

Si Presidente Joseph F. Smith (1838–1918) mipahinungod sa dapit alang sa templo sa Cardston, Alberta, Canada, niadtong Hulyo 27, 1913. Kini mao ang daang tabernacle square, nga sa sinugdanan gihatag ngadto sa Simbahan ni Charles Ora Card, kinsa maoy magtutukod sa gipuy-an sa mga tawo niadtong 1887, sa dihang ang milalin nga mga Santos una nga miabut. Dayon si Elder David O. McKay (1873–1970) sa Korum sa Napulog Duha ka mga Apostoles mibutang sa bato sa pamag-ang niadtong Septyembre 19, 1915. Si Presidente Heber J. Grant (1856–1945) mipahinungod sa bilding niadtong Agosto 26, 1923.

Ang templo hinimo sa off-white nga granite nga gikuha ug gihakut duol sa Nelson, British Columbia. Usa ka lig-on nga kuta sa Dios sa espiritwal nga kalig-on ingon man sa pisikal nga panagway, ang Templo sa Cardston Alberta makita sa ibabaw sa hawan nga patag sa mga taga-Canada sa tanang direksyon gikan sa Cardston.

Isip usa ka Apostol, si Elder David O. McKay mibutang sa bato sa pamag-ang sa Templo sa Cardston Alberta pagka 1915.

Usa sa daling mabantayan nga mga hulagway mao ang 33 ka pye nga gilapdon (10-m) nga gikulit nga panel sa silangang bahin. Ang kinulit nagpakita sa Manluluwas nga naghatag sa buhing tubig ngadto sa babaye nga Samaritano diha sa tabay.