Welcome sa Inyong Bag-ong Liahona

Welcome! Apil kanamo sa pagsaulog niining bag-o nga gidesinyo ug gisulat nga Liahona. Kami nasayud nga kamo ganahan sa karaang Liahona, apan miabut na ang panahon sa paghimo og pipila ka mga paglambo.

Sa pagsugod, inyong mabantayan nga ang tunga-tunga sa magasin wala nay mga gipangsukip. Ang mga balita ug mga pahina alang sa mga bata gibalhin na sa likud sa magasin.

Bisan unsa nga inyong gusto sa usa ka magasin gikan sa Simbahan, sa among hunahuna inyo nang makita dinhi. Kon gusto ninyo ang mas taas, makahuluganon nga mga artikulo, kamo makakita og pipila ka makapaukyab sa hunahuna nga mahimo ninyong kapilian. Apan kon kamo walay igong panahon ug gusto lamang nga mobasa-basa og kadiyot, mahimo usab ninyong buhaton.

Sa tibuok isyu kamo makakita og pipila ka bag-o nga mga seksyon, klaro nga gimarkahan para sa mga bata, sa kabatan-onan, ug mga young adult. Kon kamo bag-o sa Simbahan, tingali kamo makadayeg nga mobasa sa mga panabut sa pundasyon sa Simbahan sa doktrina ug mga buhat nga nabatasan (tan-awa sa Unsa ang Atong Gituohan, pahina 14). Kon ikaw usa ka magtutudlo o usa ka lider o usa ka ginikanan, ikaw makakita og makatabang nga mga ideya alang sa pag-alagad niadtong imong gimahal (tan-awa sa mga pahina 13, 22, 26, ug 36).

Usa sa pinakabag-o nga aspeto niining bag-o nga Liahona mao ang pagsagul-sagol sa mga artikulo alang sa mga hamtong inubanan sa gidugang nga mga materyal alang sa mga kabatan-onan ug mga bata—ug puli-puli. Imo kining makita nga mahitabo ilabi na sa Mensahe sa Unang Kapangulohan.

Aduna pay, daghang dili dayon mailhan nga mga kausaban. Kami modasig kaninyo sa pagpangita niini sa inyong kaugalingon samtang magbasa kamo niini nga isyu. Ang tanan gidesinyo aron sa pagtabang kaninyo nga mobati sa Espiritu ug mahimong mas makaila sa atong Langitnong Amahan ug sa atong Manluluwas, nga si Jesukristo. Sila mao ang pinakatinubdan sa inspirasyon alang sa Liahona.

—Ang mga editor

P.S. Makahimo ba kamo og pabor para kanamo? Pahibaloa kami kon unsa ang inyong hunahuna kabahin sa inyong bag-o nga Liahona. I-e-mail sa amoa sa [e-mail] (palihug ibutang ang “New Liahona” diha sa may ulohan), o magpadala og sulat ngadto sa:

Liahona, Rm. 2420

50 E. North Temple St.

Salt Lake City, UT 84150-0024, USA