Fakaʻaliʻali ʻAati ʻa e Fānaú

Toʻo hake ki tuʻa hoʻomou kalá pe valí ʻo teuteu ke tā valivali ha meʻa! ʻI he 2011, ʻe hā atu ha fānau Palaimeli mei māmani kātoa ʻi ha fakaʻaliʻali ʻi he Musiume Hisitōlia ʻo e Siasí pea ʻi ha fakaʻaliʻali ʻaati ʻi he ʻInitanetí. Ko e founga ʻeni ʻe lava ke ke kau mai aí:

1. Fai haʻo tā valivali ʻi he kaveinga “ ʻOku Faitāpuekina ʻe he Ongoongoleleí ʻEku Moʻuí.” ʻE lava pē ke fekauʻaki hoʻo tā valivalí mo e fāmilí, temipalé, kau faifekaú, kau palōfitá, folofolá, natula, ngāue tokoní, kau paioniá, Palaimelí, pe ngaahi ʻekitivitī ʻa e Siasí.

2. Kuo pau ke ke ʻi he vahaʻa ʻo e taʻu 5 mo e 12, pea ko e tā valivali pē ʻe taha te ke ʻavé.

3. ʻOku totonu ke fai hoʻo tā valivalí ʻi ha pepa ʻoku lafalafa pe tupenu. ʻOku ʻikai totonu ke lahi ange ʻi he ʻinisi ʻe 12 mo 14 takai (30 cm x 36 cm), pea ʻoua ʻe fakaʻesia.

4. Te ke lava ʻo fakaʻaongaʻi ha kala, peni kala, maaka, vaitohi, malala, ʻakeliliki (acrylic), kala sioka, lolo, pe ha toe vali kehe ʻe ua ʻoku huʻi.

5. Fakaʻaongaʻi ha taimi lahi ke maʻu e lelei taha te ke lavá. ʻOku totonu ke maʻu e konga lahi ʻo hoʻo pepá ʻe hoʻo tā valivalí.

6. Tohiʻi ho hingoa kakató he tafaʻaki ki mui ʻo hoʻo tā valivalí. ʻOange ke fakakakato mo fakamoʻoni hingoa e mātuʻá ʻi he foomu ʻi laló. ʻOsi ko iá pea fakapipiki e fōmú ki he tafaʻaki ki mui ʻo hoʻo tā valivalí.

7. Kuo pau ke hā e fakaʻilonga ʻaho ʻa e pōsiti ʻōfisí ʻi hoʻo tā valivalí ʻi he ʻaho 31 ʻo Siulai, 2010 pe kimuʻa ai. He ʻikai toe fakafoki atu hoʻo tā valivalí.

Mahalo ʻe fakaʻaliʻali atu hoʻo ngāué ʻi ha fakaʻaliʻali ʻi he Mūsiume Hisitōlia ʻo e Siasí mei he ʻaho 1 ki he ʻaho 30 ʻo Suné, 2011; ʻi ha fakaʻaliʻali ʻaati he Uepi saiti ʻa e Friend mo e Liahoná ʻi he ʻInitanetí; pe ʻi Heʻetau Pēsí ʻi he Liahoná pe ʻi he Our Creative Friends ʻi he Friend. He ʻikai fakaʻaliʻali kotoa e ngaahi tā valivali naʻe fakahū atú.

Kātaki ʻo ʻave hoʻo tā valivalí ki he:

Childrenʻs Art Exhibit

45 N. West Temple St.

Salt Lake City, UT 84150-0024, USA

Kuo pau ke fakakau ai ʻa e ngaahi fakamatala mo e fakangofua ko ʻení:

Hingoa kakato ʻo e tamasiʻí/taʻahiné

Taʻu motuʻá

Siteití/Vahefonuá, Fonuá

Tuʻasila ʻī-meili pe fika telefoni ʻo e mātuʻá

ʻOku ou fakangofua ke fakaʻaliʻali e tā valivali ko ʻení ʻi ha fakaʻaliʻali, ʻi he Uepi saiti ʻa e Siasí, pea ʻi he Ngaahi Makasini ʻa e Siasí pea ʻi he ngaahi fakaʻaliʻali kotoa ke mamata ai e kakaí.

Fakamoʻoni hingoa ʻa e mātuʻá pe tauhi fakalao

Tā fakatātaaʻi ʻe Steve Kropp