Hū ki ha Feituʻu Fakaʻofoʻofá

Joanna Velayo-Munda, Filipaini

Kimuʻa peá u toki kau ki he Siasí naʻá ku nofo ʻi he feituʻu ofi ki he Temipale Manila Filipainí. Ko e taimi kotoa pē ne u fou atu ai ʻi he falé ni naʻá ku ofo ʻi he ngeia ʻo e fuʻu fale fakaʻofoʻofá. Naʻe ʻikai pē ke u lava ʻo sio ki he hingoa ʻo e Siasí, ka naʻá ku maʻu ha ongo mālohi ʻo e fie hū ki he falé ni.

Hili ha ngaahi taʻu mei ai naʻá ku folau ki Hauaiʻi ʻo u fetaulaki ai mo ha ongo faifekau peá u papitaiso. ʻI he ʻeku foki ki Manilá naʻá ku ʻohovale ʻi heʻeku ʻilo ko e fale naʻá ku fakaʻamua ke u hū aí ko ha fale te u lava ʻo hū ki ai ʻo kapau naʻá ku moʻui taau. Naʻá ku fiefia lahi.

ʻI he taimi naʻá ku hū ai ʻi he temipalé naʻá ku ongoʻi ʻoku ou ʻalu he ʻeá. Naʻe fakaʻofoʻofa ʻa e meʻa kotoa, ʻo fakalangi. Naʻá ku ongoʻi tāpuekina moʻoni ke maʻu ha faingamālie ke hū ʻi he temipalé.