O La Tatou Itulau

Jerry L., 9 tausaga, Filipaina

“Afiafi Faaleaiga,“ na saunia e Nicolas M., 6 tausaga, Pasila

O tamaiti o le Paranesi a Primero de Mayo, Itu o Bermejo Polivia, ina ua uma ona latou faatinoina la latou polokalama o le sauniga faamanatuga.

Ou te faafetai lava ona sa ou fanau mai i se aiga ua iloa le talalelei moni a Iesu Keriso. O lo’u aso fanau e valu i ai ou tausaga, sa pau i le Aso Sa o le Eseta, ma sa ou lagonaina le fiafia tele e papatiso i le aso tatou te faamanatuina ai le Toetu o le Faaola. Sa fai si o’u fefe, ae sa i ai iina lo’u tama, ma sa ou iloaina e mafai ona ou talitonuina o ia. I le taimi o le papatisoga sa ou maua se lagona mafanafana, ma le fiafia i lo’u loto, ma sa ou iloa ai e mafai ona ou talitonuina le Tama Faalelagi e pei lava ona ou talitonuina lo’u tama.

O lenei la ua 11 o’u tausaga, ma ua ou sauniuni ou te alu i le malumalu e papatiso mo e ua maliliu. Ua ou iloa e na o le papatisoga lava e mafai ai ona tatou toe foi atu i lo tatou Tama Faalelagi.

Mirjam S., 11 tausaga, Suitiselani

O Sakura O., e 8 tausaga, mai Iapani, sa papatiso talu ai nei lava. Na te faitauina le Tusi a Mamona i aso uma. E fiafia o ia e alu i le lotu, fiafia e taalo, ma fiafia e vaai i le malumalu. E manao o ia e mulimuli ia Iesu Keriso ma e taumafai malosi e fai filifiliga lelei.