Faamatalaga
O Le Tapasa o Lo’u Olaga
Ou te fiafia i le Liahona. O le tapasa o lo’u olaga; e na te taialaina au i le ala sa’o ma agai atu i mea sili. Ua fesoasoani ou te tuputupu ae malosi ai ma aloese mai faaosoosoga e masani ona matou fetaiai. E na te faafaileleina lo’u olaga i aso uma. Faafetai atu mo le faia ina ia mafai ai e tagata o le lalolagi atoa ona maua lenei tapasa ma le taiala, lea e tuu ai i tatou i luga o le ala o le faatuatua.
Anastasia N., 17 tausaga, Ukraine
Liahona O Se Faufautua
E tele taimi ou te lesitalaina ai le Liahona mo au uo ma tagata faigaluega mo meaalofa o le Kerisimasi o se auala e aoaoina atu ai le talalelei ia i latou. E masani lava ona o mai i latou i le falefaigaluega ma faamatala mai tusiga na latou faitau i ai. Ua latou faaaogaina le Liahona o se faufautua, ma latou fai mai pe a i ai ni faafitauli i o latou aiga latou te faitauina faatasi le Liahona. Ou te tuuina foi se kopi o le mekasini i le potu faatalitali o le matou ofisa. O se meafaigaluega matagofie faafaifeautalai.
Prycila Villar, Brazil
O Se Punavai o le Malosi Faaleagaga
O i matou o tagata Columbia e nonofo i Logan, Iuta, ISA, ma ua matou faafetai lava i le mauaina o le Liahona i le gagana Sipaniolo. I le avea ai ma matua, ma te taumafai lava e aoaoina o ma afafine e toatolu ia ola i le talalelei ma atiina ae se alofa mo le malumalu. Faafetai mo le lomiaina o le Liahona i masina uma, aua o totonu o ana savali ua maua ai e lo matou aiga se punavai o le malosi faaleagaga.
Rincon Family, Iuta, ISA