Midangop Kami sa Pag-ampo

Miguel Troncoso, Santa Cruz, Argentina

Usa ka Dominggo ang among stake nakadawat sa maanindot nga mga balita nga si Elder Carlos H. Amado sa Seventy moabut aron mamulong sa among stake sa Martes sa gabii. Ang akong pamilya ug ako nadasig, apan ako nabalaka kon unsaon namo sa pag-adto sa miting.

Isip usa ka magtutudlo sa high school, kinahanglan kong motudlo og klase sa Martes sa gabii. Walay swerte, panagsa ra ko hatagan og time off. Wala makahibalo unsay buhaton apan determinado nga maminaw nga mamulong si Elder Amado, ang akong pamilya ug ako nag-ampo, naglaum nga ang Ginoo mohatag og paagi.

Sa adlaw sa wala pa ang komperensya, akong gibati nga makigsulti sa prinsipal nga mogawas ko og sayo mga 20 minutos aron ang akong pamilya ug ako makatambong sa miting. Miabut ako sa iyang opisina, ug sa wala pa gani ako makasulti, nangutana siya nako kon mosugot ba ako nga usbon ang oras sa pagsugod sa akong klase sa Martes nga sayo og duha ka oras kay sa naandan. Nagpasabut kini nga masayo og duha ka oras ang paghuman mahuman sa akong klase.

Usa gayud kini ka panalangin kanamo. Miabut kami sa miting nga layo pa ang oras ug mibati sa Espiritu sa atubangan sa usa sa mga tinun-an sa Ginoo. Gani ang among anak nga lalaki nga singko anyos adunay maanindot nga kahigayunan sa paggakos ug pagpakigsulti ni Elder Amado sa wala pa magsugod ang miting. Uban sa kongregasyon, natagamtaman namo ang impluwensya sa Espiritu. Dugang pa, nakaangkon kami og pagpamatuod isip usa ka pamilya nga ang Langitnong Amahan nakahibalo sa among mga tinguha ug naminaw sa among mga pag-ampo.