Mga Balita sa Templo

Si Presidente Monson Nagpasugod sa Konstruksyon didto sa Rome

Si Presidente Thomas S. Monson mipasugod sa konstruksyon sa Templo sa Rome Italy niadtong Oktubre 23, 2010. Gipahibalo sa milabay nga duha ka tuig, ang tulo ka andana, 40,000 kwadrado pye (3,700 metro kwadrado) nga templo mao ang mahimong ikanapulog duha sa Europe ug ang una sa Italy. Kon makompleto, moserbisyo kini sa mga miyembro sa Italy ug sa kasilinganang mga nasud. Ang 15-acre (6 ka ektarya) nga dapit mamahimong usa ka relihiyoso ug sentro sa kultura nga maglakip og usa ka multifunctional nga balay-tigumanan, usa ka sentro sa mga bisita, usa ka family history center, ug patron housing.

Templo Sugdan na sa Argentina

Si Elder Neil L. Andersen sa Korum sa Napulog Duha ka mga Apostoles mipasugod sa konstruksyon sa templo sa Córdoba, Argentina, niadtong Oktubre 30, 2010. Ang dapit mao ang gitukuran sa usa sa labing una nga mga chapel sa Simbahan didto sa Argentina. “Katingalahan kaayo nga ang katapusang katuyoan niini mao ang paghangup sa balay sa Ginoo,” miingon si Elder Andersen. Ang templo mao ang ikaduha sa Argentina. May templo usab sa Buenos Aires.

Pagsugod sa Konstruksyon sa Gilbert, Arizona

Si Elder Claudio R. M. Costa sa Kapangulohan sa Seventy mipasugod sa konstruksyon sa Templo sa Gilbert Arizona niadtong Nobyembre 13, 2010. Ang mga Templo sa Gila Valley Arizona ug Gilbert Arizona, nga gipahibalo niadtong Abril 26, 2008, mao ang unang mga templo nga gipahibalo ni Presidente Thomas S. Monson human siya nahimong presidente sa Simbahan. Ang Templo sa Gilbert Arizona mao ang ikaupat nga templo sa Arizona. Ikalima, ang Templo sa Phoenix Arizona, anaa gihapon sa proseso sa pagplano.

Si Presidente Thomas S. Monson mipasugod sa konstruksyon sa Templo sa Rome Italy niadtong Oktubre 23, 2010.