Ensakto ra ba nga motawag sa mga lider sa Simbahan sa ilang pangalan?

Usahay nasuod na kaayo kita sa atong mga lider nga kita matintal nga mahimong kaswal sa atong relasyon kanila. Samtang maayo man nga mahigalaon, importante usab nga mopakita og ensakto nga pagtahud alang kanila ug sa ilang mga calling. Sa Simbahan naandan na nga motawag sa mga hamtong nga “Brother” o “Sister, ” isip pagtimbaya nga nagpakita sa pagtahud ug nagpahinumdom nato nga kita mga anak sa Langitnong Amahan. Laing mas pormal nga titulo, sama sa elder, bishop, o presidente, gigamit usab isip timailhan sa pagtahud. Ang full-time nga mga misyonaryo nagpakita og maayong ehemplo ngadto sa usag usa pinaagi sa pagtawag og “Elder” o “Sister.”

Importante nga magmatinahuron sa atong mga lider sa Simbahan ug maghinumdom nga bisan tuod sila atong mga higala, diha sa Simbahan kinahanglan nga atong tahuron ang ilang mga calling ug magpakita og pagtahud pinaagi sa pagtawag kanila og “Brother” o “Sister.”