Ang akong mga higala nga dili miyembro nakigsulti nako mahitungod sa mga butang nga nahitabo diha sa templo.Giunsa nila sa pagkahibalo niini, ug unsa ang akong isulti bahin niini?

Una sa tanan, ayaw tuguti nga ang mga pangutana sa inyong mga higala makasamok ninyo. Mga simbolo ug mga ordinansa sa templo nahibaloan na sa publiko sa daghang lain-laing mga paagi sa milabay nga mga katuigan, ilabi na sa mga tawo nga mibiya sa Simbahan. Apan tungod lang kay kining mga butanga nahibaloan sa mga tawo sa gawas sa Simbahan wala kana magpasabut nga kini dili na sagrado. Unsa ang importante mao nga kita mopadayon sa paghupot niini nga sagrado ug mopakita sa atong pasalig ngadto sa Ginoo.

Ikaduha, kon ang mga tawo mangutana mahitungod sa mga seremonya sa templo, makasulti kamo sa tinuod nga wala kaayo kamo makahibalo niini tungod kay kamo wala pa makasinati niini. Hinoon, aron sa pagklaro sa wala pagsinabtanay, makapasabut kamo ngakita moadto sa templo aron sa paghimo og mga pakigsaad uban sa Langitnong Amahan ug nga kini “makatabang nato nga mopunting ngadto sa Manluluwas, sa Iyang tahas sa plano sa atong Langitnong Amahan, ug sa atong pasalig sa pagsunod Kaniya” Matinud-anon sa Tinuohan [2004], 229). Ang mga simbolo ug mga seremonya sa templo sagrado ug kinahanglang dili hisgutan diha sa publiko, ni kini masabtan pag-ayo o mapasalamatan sa gawas sa giapasabut diha sa templo.

Aron makat-on pa, inyong mabasa ang mosunod nga mga kapanguhaan, nga anaa sa mga pinulongan sa LDS.org:

• Tan-awa sa Pagpangandam sa Pagsulod sa Balaan nga Templo (booklet, 2004).

• Ang mga “Templo” kabahin sa Matinud-anon sa Tinuohan, mga pahina 228–32.