Ko Hono ʻOmi ʻo e Palaimelí ki ʻApi
ʻE Malanga ʻAki ʻa e Ongoongoleleí ʻi he Māmaní Kotoa
“ʻE malanga ʻaki ʻa e ongoongoleleí ni ki he puleʻanga kotoa pē, mo e faʻahinga, mo e lea, mo e kakai” (T&F 133:37).
ʻE lava ke ke fakaʻaongaʻi e lēsoni mo e ʻekitivitī ko ʻení ke lahi ange ai hoʻo ʻilo ki he kaveinga ʻa e Palaimelí ki he māhina ní.
Kuo ʻi ai ha taimi kuó ke fakatokangaʻi ai ʻoku tokosiʻi ʻaupito e kakai ʻi he māmaní ʻoku nau maʻu ʻa e ngaahi tāpuaki ʻokú ke maʻú koeʻuhi ko hoʻo kau ki he Siasi moʻoni ʻo Sīsū Kalaisí? ʻOku tokolahi ʻa e kakai ʻoku ʻikai ke nau ʻilo ko e fānau kinautolu ʻa e Tamai Hēvaní pea ʻe lava ke nau lotu kiate Ia peá Ne tali mai. ʻOku ʻikai ke nau ʻiloʻi ʻa e ngaahi tāpuaki ʻe lava ke nau maʻu koeʻuhi ko e ongoongoleleí. ʻOku fie maʻu ʻe he Tamai Hēvaní ke tau vahevahe ʻa e ongoongoleleí mo e kakai kotoa pē.
ʻOku uiuiʻi ʻa e kau faifekaú ke nau ngāue ʻi he ngaahi feituʻu kehekehe ʻo e māmaní he ʻoku tokolahi ʻaupito e kakai ʻoku fie maʻu ke nau fanongo ki he ongoongoleleí. ʻOku akoʻi ʻe he kau faifekaú ki he kakaí ʻa e meʻa ʻoku fie maʻu ke nau ʻiloʻi mo fakahoko ke nau toe foki ai ʻo nofo fakataha mo e Tamai Hevaní mo Sīsuú.
Naʻe pehē ʻe Palesiteni Tōmasi S. Monisoni ʻe lava pē ke ke teuteu he taimí ni ke ke hoko ko ha faifekau, neongo hoʻo kei siʻí. Te ke lava ʻo fakaafeʻi ho ngaahi kaumeʻá ki he lotú, ngaahi ʻekitivitií, pe efiafi fakafāmili ʻi ʻapí. Ko e ngaahi founga lelei taha ʻe lava ke ke hoko ai ko ha faifekau he taimi ní ko hoʻo fakahā ʻa e ʻofá pea hoko ko ha faʻifaʻitakiʻanga lelei ki ho ngaahi kaumeʻá.
ʻEkitivitií
Fakapipiki ʻa e peesi 65 ʻi he pepa matolu ange pea kosi ʻo toʻo e ʻū kaati ʻe 16. Fakafoʻohifoʻi e ʻū kātí ʻi ha meʻa ʻoku tokalelei. Taufetongi ʻi hono fulihi hake ha ongo kaati, pea feinga ke maʻu ʻa e kaati foʻi lea mo e kaati fakatātā ʻokú na hoá. Lolotonga hono fai e foʻi vaʻingá, fakakaukau ki he ngaahi meʻa te ke lava ʻo fai he taimí ni ke ke hoko ai ko ha faifekaú.
ʻAve hao kaumeʻa ki he Palaimelí
“ʻE malanga ʻaki ʻa e ongoongolelei ko ʻení ki he puleʻanga kotoa pē.”
Kau faifekau sisitaá
Ngaahi folofolá
Fili ki he totonú
Kau ʻEletaá
Papitaisó
Senitā Akoʻanga Fakafaifekaú
Ngaahi tā fakatātā ʻa Dilleen Marsh