Tohi ki he ʻĒtitá
Ko Ha Tāpuaki Taʻe hano Tatau
ʻOku ʻikai ke i ai ha kolo ʻo e Siasí ʻi he kolo ʻoku mau nofo aí, pea ʻoku faingataʻa e ʻikai lava ko ia ʻo fetuʻutaki mo e kāingalotu kehé ʻi ha uike kakato. Ko e ongo ko ia ne mau maʻu ʻi heʻemau lau e fakamatala pe lea mei he Liahoná ʻoku hangē ko e tohi mai pē ʻa e tokotaha ko iá kiate kimautolu fakatāutaha. Ko ha tāpuaki taʻe hano tatau ke maʻu e ngaahi lea ʻa e kau palōfitá ʻi homau ʻapí. Ko e founga ʻeni ʻoku mau ongoʻi e fehokotaki vāofi mo e Siasí neongo ʻoku mau nofo ʻo mamaʻo mei ha falelotu.
Fāpio ʻAnitulei Haʻape, Palāsila
Langaki ʻe he Faleʻí e Mālohi mo e Tui
Fakamālō atu koeʻuhí ko e tāpuaki ʻo e makasiní—ʻoku ou maʻu ʻi he māhina takitaha ʻa e ngaahi pōpoaki ʻoku ongo ki hoku lotó. ʻOku ʻomi ʻe he faleʻi ko ia ʻoku tau maʻu meiate kinautolu ʻi he Kōlomu ʻo e Kau ʻAposetolo ʻe Toko Hongofulu Mā Uá ha mālohi kiate au pea fakafonu hoku laumālié ʻi he tui.
Tōlisi Kanitau, Honitūlasi
Ko Ha Founga ke maʻu ai e Ngaahi Talí
Ko e taha ʻeku ngaahi taumuʻá ke lau e Liahoná he māhina kotoa. ʻOku tokoniʻi au ʻe he konga takitaha ʻo e makasiní ke u hoko ʻo hangē ko Sīsū Kalaisí. Ko e taha ia ʻo e ngaahi founga ʻoku tali mai ai ʻe he ʻEikí ʻeku ngaahi lotú.
Kilipati Sūnia ti Paula Lotilīkesi, Palāsila