ʻE Lava Ke u Maʻu e Ngaahi Talí ʻi he Konifelenisi Lahí

ʻOku akonaki ʻa Palesiteni ʻUkitofa ʻo pehē kapau te ke fakakaukau ki ha ngaahi fehuʻi peá ke toki ʻalu ki he konifelenisi lahí, ʻe lava ke folofola atu ʻa e ʻEikí kiate koe ʻi Heʻene kau palōfitá mo ʻEne kau ʻaposetoló lolotonga e konifelenisí.

Mou aleaʻi fakafāmili pe fakakalasi ʻa e meʻa ʻoku fie maʻu ke mou akó, ʻo fai fakafoʻituitui ia pe fakataha ia. (Hangē ko ʻení: Te u fakamālohia fēfē nai ʻeku fakamoʻoní? Ko e hā e meʻa ʻoku totonu ke u fai fekauʻaki mo haʻaku palopalema ʻi ʻapiako?) Hiki hoʻo ngaahi fehuʻí ʻi ha laʻipepa pe ʻi hoʻo tohinoá.
Te ke lava ʻo fakakaukau pe lotua e ngaahi fehuʻi ko ʻení ʻi he ngaahi uike kimuʻa he konifelenisí.
Fakafanongo fakalelei lolotonga e konifelenisí (ʻe tokoni ke hiki ha fanga kiʻi fakamatala). Peá ke toki hiki leva e founga ne tali mai ai ʻe he ʻEikí hoʻo ngaahi fehuʻí—ʻo fakafou ʻi he kau taki ʻo e Siasí.
ʻE lava ke ke tā ʻi ha laʻipepa ʻe taha haʻo fakatātā ʻokú ke fai ʻa e meʻa naʻá ke akó.