Aumaia o le Peraimeri i le Fale
E Aoaoina A’u e Perofeta Soifua e Filifili le Mea Sa’o
E mafai ona e faaaogaina le lesona ma le gaoioiga lenei e aoao atili ai e uiga i le autu o le Peraimeri i le masina lenei.
Na matamata Kilisitina ia Peresitene Thomas S. Monson i luga o le ata i lo latou nofoaga autu o le siteki i le taimi o le konafesi aoao. Na ia saunoa e uiga i le agalelei i isi. Na maua e Kilisitina se lagona lelei a o ia faalogologo. Na ia iloa o Peresitene Monson o se perofeta a le Atua. Na ia mafaufau ia Lea, o se teine i le aoga na agaleaga ia te ia. Na ia filifili e agalelei ia Lea ma taumafai e avea ma ana uo. Na manao Kilisitina e mulimuli i aoaoga a le perofeta.
A o lei faasatauroina Iesu Keriso, na Ia valaaulia le Aposetolo o Peteru e taitaia Lana Ekalesia. Na maua e Peteru faaaliga mo le Ekalesia ma taitaia tagata o Keriso i auala sao. O aso nei, ua taitaia e Peresitene Thomas S. Monson le Ekalesia, e pei ona sa faia e Peteru.
Faalogo lelei pe a saunoa le perofeta. O ana aoaoga e mafai ona fesoasoani ia te oe i faafitauli ma luitau atonu e te oo i ai. O le a ia taitaia oe i taimi uma i le auala sao, ma o le a faamanuiaina oe pe a e mulimuli ia te ia.
Ata na tusia e Thomas S. Child