O La Tatou Itulau
Nastya L., 12 tausaga, Iukureini
Tina M., 10 tausaga, Congo
Na Faia e le Agaga Lou Loto ia Mu
Ou te fiafia e alu i le lotu. Ou te lagonaina le Agaga iina. I se tasi aso i le Peraimeri na matou talanoa ai e uiga i perofeta o aso nei. Na ou matamata i se tifaga mulimuli ane O le Measina i le fale, ma na ou fiafia i le tala i le Perofeta o Iosefa Samita. O le matamata atu i le vaega ina ua tuuina atu e le tamaloa le talafou i le maliu o le Perofeta, na ou matua lagonaina le faanoanoa. Ona faia lea e le Agaga lou loto ia mu, ma na ou lagonaina o Iosefa Samita o se perofeta moni lava a le Atua ma na ia toefuataiina le Ekalesia moni.
Ia Ianuari sa ou i ai i le malumalu i Guayaquil, Ekuatoa, faatasi ma le toatele o tagata o lou aiga. Na ou lagonaina le tele naua o le filemu ma le fiafia, ma na ou le fia alu i le fale ina ua oo i le taimi e o ai.
Ou te iloa o loo soifua le Tama Faalelagi ma e alofa ia i tatou, o Iesu o le ala lea e toe foi atu ai ia te Ia, ma o Iosefa Samita o se perofeta.
Aron C., 10 tausaga, Colombia
O le Totogiina o le Sefuluai Ou Te Maua ai le Fiafia
Ou te fesoasoani i lou tama i le faamamaina o le matou fale, ma ou te maua ai tupe i masina taitasi mo le fesoasoani. Nai lo le faaaogaina uma o lau tupe, ou te tuuesea le 10 pasene mo lau sefuluai ma tuuina atu i le epikopo. Ou te mauaina se lagona lelei pe a uma ona totogi lau sefuluai ona ou te iloa o le tupe e aoga e tausia ai falelotu ma faatau ai tusi ma le tele o isi mea. Ou te iloa na tuuina mai e Iesu Keriso mea uma ia i tatou, ma pe a tatou totogiina le sefuluai, ua tatou toe tuuina atu ia te Ia. Ou te lagonaina le fiafia pe a ou totogiina lau sefuluai.
Nikolao P., 5 tausaga, Pasila
Ou te fiafia e alu i le malumalu, ma ua le mafai ona ou faatali sei atoa lou 12 tausaga ina ia mafai ona ou maua le perisitua ma alu i le malumalu ma faia papatisoga mo e ua maliliu.
Amapeto V., 11 tausaga, Mekisiko