Pe i ai ni agaga o manu? O le ale mea e tupu ia i latou pe a mamate?

Ioe, e i ai agaga o manu (tagai i le MF&F 77:2–3). O lea lava, e i ai se eseesega tele i le va o agaga o manu ma o tatou agaga—o i tatou o atalii ma afafine na fanaua e le Tama Faalelagi, ma e le faapena i latou.

Ma na faapea mai le Perofeta o Iosefa Samita, o loo i ai ni nai manu i le lagi. Na Ia saunoa:

“Na vaai Ioane i ni meaola foliga ese i le lagi; … na i ai moni iina, o loo tuuina atu le viiga i le Atua. … (Tagai i le Faaaliga 5:13.) …

“Ou te talitonu na vaai Ioane i ni meaola iina i ni ituaiga e faitauafe, na faaolaina mai le tai sefulu afe faatele i le sefulu afe o lalolagi faapenei,—o meaola uigaese e leai so tatou malamalama i ai: na iloaina uma lava i le lagi. Na aoaoina e Ioane na faamamaluina e le Atua Ia lava i le faasaoina o nei meaola uma na Ia faia, po o manu, manu felelei, ia, po o tagata; ma o le a Ia faamamaluina Ia lava ma i latou” (i le History of the Church, 5:343).

O lea la, e ui lava tatou te le o maua se atoatoaga o le malamalama pe o le a le mea e tupu pe a mavae ona mamate manu, tatou te talitonu o le a latou fiafia i se ituaiga o faaolataga ma le faavavau.