O Lo Tatou Avanoa
Na ou pueina lenei ata o le Malumalu o Lonetona Egelani ina ua malaga lo matou aiga i ai ma lou tuagane e maua ona faaeega paia a o lei alu i le misiona. Na ou matua mitamita lava e vaai i lou tuagane ua alu i le malumalu.
A o i ai i latou i le malumalu, na ou savalivali solo i laufanua filemu, ma mafaufau i le Tama Faalelagi. E le manaomia lava lou tau alu i totonu o le malumalu e lagona ai le latalata i le Alii. Na ou manatunatu i le matagofie o le maota o le Alii ma le tau le mafai ona ou faatali i lena aso ia maua ai faamanuiaga o le malumalu.
O le vaai atu i le olioli i foliga o lou tuagane a o ia sau i fafo o le malumalu o se aafiaga faamalosiau-molimau. Na ou lagonaina lona alofa mo le Faaola ma na mafai ona iloa atu o faamanuiaga o le malumalu e le pei o nisi faamanuiaga.
O lenei ata tulagaese e faamanatu mai ai ia te au lenei aso faapitoa ma fesoasoani ia te au e manatunatu ai i le faia o le mea sao. Na ou faavaaina le ata ma tautau i lou potumoe ina ia mafai ona faamanatu mai pea ia te au le taua o le ola agavaa ina ia i ai se aso e ulu ai i le maota o le Alii ma maua ou lava faaeega paia.
Na ou tuuina le ata i lau itulau o le Facebook, ma na ou mauaina le tele o manatu faaalia lelei mai isi. O tagata uma na vaai i lenei ata na fiafia tele i ai, ma na faatupuina ai le avanoa e tau atu ai i tagata le talalelei.
Emily M., England