Tusigāmanatu Konafesi Oketopa
“O le mea ua fai atu ai au le Alii, ua ou fai atu ai lava; … pe fai atu i lo’u lava leo po o le leo o a’u auauna, ua tusa lava ia” (MFF 1:38).
A o e suesueina le konafesi aoao ia Oketopa 2011, e mafai ona e faaaogaina nei itulau (ma Tusigāmanatu o le Konafesi i lomiga i le lumanai) e fesoasoani ai ia te oe e aoao ma faaaoga aoaoga talu ai nei a perofeta soifua ma aposetolo.
Folafolaga Faaperofeta
“O le taimi lava e te suesueina ai aoaoga faavae ma mataupu faavae o le uelefea a le Ekalesia aoao, ia saili atu e faaaoga mea ua e aoaoina i manaoga o i latou ua i ai i lau tausiga. O le uiga o lenei mea e faapea, i se fuataga tele, o le a e fuafuaina lava e oe. …
“… E ao ina e faia i lau eria mea na faia e soo o Keriso i tisipenisione uma: fefautuaai faatasi, faaaoga uma punaoa o loo maua, saili atu i le musumusuga a le Agaga Paia, ole atu i le Alii mo Lana faamautinoaga, ona afe lea i luga o lima o lou ofu, ma alu e galue.
“Ou te tuu atu ia te outou se folafolaga, afai tou te mulimuli i lenei mamanu, o le a outou mauaina taitaiga patino e faatatau i le o ai, o le a, o afea, ma pe o gafea o le faia i le ala a le Alii.”
Peresitene Dieter F. Uchtdorf, Fesoasoani Lua i le Au Peresitene Sili, “Faia i le Ala a le Alii,” Liahona, Nov. 2011, 55.
Faapelepele
“O i tatou uma taitoatasi ua sili atu ona alofagia e le Alii nai lo le mea e mafai ona tatou malamalama pe manatu i ai. O lea ia tatou agalelei atili ai o le tasi i le isi ma agalelei atili ia i tatou lava.”
Elder Robert D. Hales o le Korama a Aposetolo e Toasefululua, “Faatalitali i le Alii: Ia Faia Lou Finagalo” Liahona, Nov. 2011, 73.
Ua Valaaulia Outou
“Ou te valaau atu
Ia te ai: “i tupulaga talavou o le Ekalesia
E a: “ina ia aoao ma ia iloa le Agaga o Elia.
E faapefea: “Ou te faamalosiau atu ia te outou ia suesue, ia sailia o outou augatama, ma ia sauniuni outou lava e faia papatisoga sui i le maota o le Alii mo o outou aiga ua maliliu.”
Elder David A. Bednar o le Korama a Aposetolo e Toasefululua, “O Le a Liliu Atu Loto o Fanau i o Latou Tama,” Liahona, Nov. 2011, 26.
Ata na tusia e Taia Morley: ata o aua nei-galo-a’u na pueina e Bret Dalton; o isi ata na pueina e Robert Casey