Elder Robert C. Gay
No te Hitu Ahuru
I roto i ta’na mau ohipa no te Ekalesia, pinepine to Elder Robert Christopher Gay parauraa i te poro‘i a Iesu Mesia ei hoê « evanelia faaora ».
« Te reira ta maua i ite e i farii i roto i to maua nei oraraa », ua na ô mai Elder Gay no’na e ta’na vahine o Lynette Nielsen Gay. « Te haamori nei maua i te Atua faaora: pae varua, pae tino, pae feruriraa, e i te aau atoa. Na roto i te Taraehara a te Mesia, e haamâmâhia ta tatou mau hopoi‘a atoa ». Na roto Ia’na, e ite tatou i te puai, te hau, e te aroha no te faaoromai i te mau tamataraa o te oraraa e no te ho‘i atu i to tatou Metua i te Ao ra ».
Ua tae mai to Elder Gay mauruuru rahi no roto mai i ta raua te tuahine Gay taviniraa i roto i te ohipa tautururaa i te ao nei, ua haamaitai-rahi-hia raua no ta raua taviniraa na te ara anei e aore râ i to raua vahi. Hoê hi‘oraa, na mua e i muri mai atoa i to raua taviniraa ei peresideni no te Misioni no Accra Ghana Mission, matahiti 2004 i te matahiti 2007, ua ohipa raua i roto i te mau oire iti e te tahi mau vahi no te patu i te tahi mau fare haapiiraa e te tahi mau pû utuuturaa na reira atoa no te tauturu i te haapiiraa i te piapa e no te faafana‘o i te mau faanahoraa tarahu tino moni na‘ina‘i. Tau faanahoraa ta raua i faati‘a e te tahi mau hoa ohipa tei tauturu e rave rahi milioni feia vĕvĕ na te ao atoa nei.
Fanauhia i te ava‘e setepa 1951 i Los Angeles, i California, i te mau Hau Amui no Marite, e Bill raua Mary Gay, ua farerei matamua oia i ta’na vahine na roto i te hoê hoa ta raua toopiti i matau i te haapiiraa tuarua, o ta raua atoa i tauturu i muri iho i roto i te Ekalesia. Ua faaipoipo raua i roto i te hiero no Los Angeles California i te ava‘e eperera 1974 e e hitu tamarii ta raua.
E parau tu‘ite « bachelor » ta Elder Gay mai te University of Utah e e parau tu‘ite tahu‘a tuatoru ta’na mai Harvard University, i reira atoa ho‘i oia i te haapiiraa i te tereraa faufaa ei orometua.
No ta’na ohipa i roto i te faanahoraa tarahuraa moni no na 25 matahiti e hau atu â, ua ohipa Elder Gay na te ara no te tuu i te moni ia tupu rahi mai te mau taiete.
I te taime ua piihia oia i te pŭpŭ matamua no te Hitu Ahuru, te tavini ra oia ei Hitu Ahuru area i roto i te area no Marite Apatoerau, te pae Apatoa Hitiaa o te râ. Tapiri atu i ta’na taviniraa ei misionare rave tamau i te fenua Paniola mai te matahiti 1971 i te matahiti 1973, ua tavini Elder Gay ei tauturu no te episekopo, ei melo apooraa teitei, ei ti‘a no te pŭpŭ tahu‘a rahi, ei orometua no te haapiiraa tumu o te evanelia, ei faatere ohipa misionare paroisa, e ei peresideni Feia Apî Tamaroa paroisa.