Te mau Haapiiraa no to Tatou Anotau

Te mau haapiiraa no te maha o te sabati a te Autahu‘araa a Melehisedeka e a te Sotaiete Tauturu tei roto ia i « Te mau Haapiiraa no to Tatou Anotau » E nehenehe i te mau haapiiraa tata‘itahi e faaineinehia na roto mai i te hoê e aore râ e hau atu â a‘oraa i horo‘ahia i roto i te amuiraa rahi i tupu a‘e nei. E nehenehe i te mau peresideni o te tĭtĭ e te mataeinaa e ma‘iti i te mau a‘oraa e ti‘a ia faaohipahia, e aore râ e horo‘a i teie hopoi‘a i te mau episekopo e i te mau peresideni amaa. E mea ti‘a i te feia faatere ia tura‘i noa i te faufaa na te mau taea‘e o te Autahu‘araa a Melehisedeka e na te mau tuahine o te Sotaiete Tauturu ia tuatapapa i te hoê â mau a‘oraa i te hoê â sabati.

Te feia e haere mai nei i te mau haapiiraa o te maha o te sabati, te faaitoitohia nei ratou ia tuatapapa e ia afa‘i mai i te piha haapiiraa te ve‘a no te amuiraa rahi i tupu a‘enei.

Te mau mana‘o no te faaineineraa i te haapiiraa no roto i te hoê a‘oraa.

A pure ia vai mai te Varua Maitai ia outou ra a tuatapapa ai outou e a haapii ai i te (mau) a‘oraa. E hinaaro paha outou i te faaohipa i te tahi atu â mau materia no te faaineine i te haapiiraa, tera râ o te mau a‘oraa o te amuiraa tei haamanahia i roto i te faanahoraa haapiiraa (curriculum). Ta outou titauraa o te tautururaa ïa i te tahi ia haapii mai e ia ora i te evanelia mai tei haapiihia i roto i te amuiraa rahi a te Ekalesia i tupu a‘e nei.

A tuatapapa maite i te (mau) a‘oraa, ma te imiraa i te mau parau tumu e te mau tumu haapiiraa o te pahono i te mau hinaaro o te mau melo o te piha haapiiraa. A imi atoa i te mau aamu, te mau faahororaa o te papa‘iraa mo‘a, e te mau faahitiraa parau no roto mai i te (mau) a‘oraa o te tauturu ia outou ia haapii i teie mau parau mau.

A faataa i te hoê reni arata‘i no te haapii atu i te mau parau tumu e te mau tumu haapiiraa. Tei roto i ta outou reni arata‘i te tahi mau uiraa e riro i te tauturu i te mau melo o te piha haapiiraa.

A imi i te mau parau tumu e te mau tumu haapiiraa i roto i te (mau) a‘oraa.
A feruri i ni‘a i to te reira auraa.
A faaite i te maramaramaraa, te mau mana‘o, te mau iteraa, e te mau iteraa papû.
A faaohipa i teie mau parau tumu e teie mau tumu haapiraa i roto i to outou oraraa.

Haapiihia’tu te haapiiraa o te ava‘e	Te mau materia no te haapiiraa no te maha o te sabati
Eperera 2012–Atopa 2012	Te mau a‘oraa tei horo‘ahia i te amuiraa rahi no eperera 2012*
Atopa 2012–Eperera 2013	Te mau a‘oraa tei horo‘ahia i te amuiraa rahi no atopa 2012*