ʻOku ʻUhinga ʻa e Poupouʻí ke Tokoniʻi

Naʻe pehē ʻe Palesiteni ʻAealingi ko e taimi ʻoku hiki ai hotau nimá ke poupouʻi ʻa e kakaí, ʻoku tau palōmesi ai ke tokoniʻi kinautolu ʻi hono fakahoko ha meʻa pē ne ui kinautolu ke nau faí.

Ko hai ʻi he fānau ʻi ʻolungá ʻoku nau poupouʻi ha taki pe faiakó?

Ko ha niʻihi ʻeni ʻo e kakai ʻoku tau poupouʻí: palofitá, kau pīsopelikí pe kau palesitenisī fakakoló, taki faifekau fakauōtí pe fakakoló, faiako Palaimelí, kau taki ʻo e Palaimelí.

Hiki pe aleaʻi mo hoʻo mātuʻá ha faʻahinga meʻa te mou lava ʻo fai ke poupouʻi ai e kakai ko ʻení.