Tāpuaki ʻo Taná
-
Naʻe fāʻeleʻi mai ʻa Tana ʻoku masipi hono ongo laʻi ngutú mo hono lotoʻi ngutú foki. Ko e lava ʻeni ha ngaahi tafa ʻe fā ʻi hono feingaʻi ke fakaleleiʻi. ʻI he ʻaho ní ne ʻi ai ha taimi ke sio ai ʻa Tana ki he toketaá pea mo nau talanoa ki hano toe tafa.
Te mau toʻo ha konga ʻo e hui mei ho ālangá ke fakaleleiʻi aki ho ngutú lolotonga e tafá.
-
Naʻe kamata ke hohaʻa ʻa Tana pe ko e hā e meʻa ʻe hoko hili ʻa e tafá.
ʻE kei lava nai ke u inu huʻakau sokoleti?
Ko ʻene sai pē ho ngutú, te ke inu ʻa e huʻakau sokoletí ki he lahi taha te ke fie maʻú.
-
ʻI he pō kimuʻa pea fai ʻa e tafá, naʻe hanga ai ʻe he tokoua ʻene tamaí fakataha mo ʻene tangataʻeikí ʻo foaki ange hano tāpuaki ʻo e lakanga fakataulaʻeiki. Naʻe tākai ʻa Tana ʻaki e lolo tapú. Naʻe fakamaʻu leva ʻe he Tangataʻeikí e tāpuakí.
ʻOku ou tāpuakiʻi koe ke mālohi ho sinó pea ke vave haʻo sai ʻi he ʻosi ʻa e tafá. Manatuʻi ʻoku ʻofa lahi hoʻo ongomātuʻá mo hoʻo Tamai Hēvaní ʻiate koe.
-
ʻI he pongipongi hokó naʻe ʻave leva ʻa Tana ʻe he ongomātuʻá ki falemahaki.
-
Naʻe haʻu ʻa e nēsí ke ʻave ʻa Tana ki he loki tafá. Naʻe fāʻofua ʻa Tana kia Mami.
Tana, ʻoku ou ʻofa ʻiate koe.
ʻOua te ke hohaʻa Fineʻeiki. ʻOku ʻikai ke u ilifia. Kuo ʻomi ʻe Teti haku tāpuaki.
-
Hili e tafá ne sai pē ʻa Tana. Naʻá ne fiefia ʻi he lava ʻo foaki ange ʻe he Tangataʻeikí hano tāpuaki makehe ke ne ongoʻi sai ange.
Ngaahi tā fakatātā ʻa Scott Peck