ʻI he Siasí Fakakātoa
Toe Fakaleleiʻi ʻe he Nima Fie Tokoni ʻo e Kau Māmongá ʻa e Ako Fakapuleʻanga ʻi Makapā, Palāsilá
Naʻe ngāue ha kau ngāueʻofa ʻe meimei toko 50 ʻo e Nima Fie Tokoni ʻo e Kau Māmongá—ʻo kau ai ʻa e kau mēmipa ʻo e Siasí, ko honau ngaahi mahení, mo e kau faifekau ʻo e Kau Māʻoniʻoni ʻi he Ngaahi ʻAho Kimui Ní—ʻi he ʻaho Tokonaki, 21 ʻo Sānuali, 2012, ke tokoni ki hono fakamaʻa, huo, mo ha toe meʻa pē ke fakaleleiʻi ʻa Malia ʻIvona te Manesí, ko ha ʻapiako puleʻanga ʻi Makapā, Palāsila.
Naʻe tohoakiʻi mai e tokangá mo fakamatalaʻi ʻe he ngaahi mītia fakalotofonuá ʻa e ʻekitivitií, ʻa ia naʻe fakafehokotaki ʻe he poate ʻo e ʻapiakó mo fokotuʻutuʻu ʻe he talēkita ʻo e ngaahi ngāue fetuʻutaki mo e kakaí ʻo e Vahefonua ʻĀmapá Makapā Palāsilá, ko Kilipa Sainisi. Naʻe tokoni ʻa e talēkita ʻo e ʻapiakó, ʻAtilia Tanini, ki he ngāué. Naʻá ne pehē, “ʻOku mau fiefia ʻi he tokoni ʻaufuatō naʻe fai [ʻe he Siasí]. Te mau manatuʻi pē ʻeni.”
Pulusi Foʻou ʻi he Lea Faka-Lūsiá ʻa e Ngaahi Folofola ʻe Tolu Kuo Fakatahatahaʻí
ʻOku ala maʻu ʻi he taimí ni ha paaki foʻou ʻo ha ngaahi folofola ʻe tolu kuo fakatahatahaʻi ʻa ia ʻoku maʻu ai ʻa e Tohi ʻa Molomoná, ko e Tokāteline mo e Ngaahi Fuakavá, pea mo e Mataʻitofe Mahuʻingá pea ʻoku fakatahaʻi pē ia ki ha tohi ʻe taha ʻi he lea faka-Lūsiá.
ʻOku maʻu atu he taimí ni ʻa e tohi foʻoú mei he ngaahi senitā tufakiʻanga nāunau ʻa e Siasí fakalotofonuá, mei he store.lds.org, ʻi he ʻinitanetí ʻi he scriptures.lds.org, pea ʻi he polokalama komipiuta moupaila ʻo e Laipeli ʻo e Ongoongoleleí. ʻOku ʻomai ʻe he paaki ko ʻení ʻa e lahi ʻo e ngaahi lea fakafonua kuo pulusi maʻá e ngaahi folofola ʻe tolu kuo fakatahaʻí ki he 44.
Naʻe ngāue ha kau ngāueʻofa ʻe toko nimangofulu ʻo e Nima Fie Tokoni ʻo e Kau Māmongá ʻi he ʻaho Tokonaki, 21 ʻo Sānuali 2012, ke fakamaʻa, huo, mo fakaleleiʻi ʻa e ʻapiako puleʻanga ko Malia ʻIvona ti Manesí ʻi Makapā, Palāsila.
Faitā ʻe Michelle Sá, ngaahi ngāue fetuʻutaki mo e kakaí ʻi he Vahefonua ʻĀmapá Makapā Palāsilá