ʻOmai ʻe he Kiʻi Tohi Fakamatala ʻo e Konifelenisí [Conference Notebook] ha Vakai ki he Ngaahi Meʻa Mahuʻinga ʻi he Konifelenisí

ʻE tokoniʻi ʻe ha konga foʻou mo tuʻumaʻu ʻi he makasini Liahoná mo e Ensign—ko e Kiʻi Tohi Fakamatala ʻo e Konifelenisí—ʻa hono ako mo fakaʻaongaʻi ʻo e ngaahi akonaki mei he ngaahi pōpoaki ʻo e konifelenisi fakamuimuitahá mei he kau palōfita mo e kau ʻaposetolo moʻui ʻo e ʻaho ní.

Naʻe kamata ʻi Sānuali ʻo e 2012, ʻa e hā e konga ko ʻení ʻi ha makasini ʻe valu lolotonga e taʻú—ʻa ia ko ha fakamatala nounou [notebook] ʻe taha ki he māhina kotoa pē tuku kehe pē ʻa e makasini ʻo Mē, Sune, Nōvema, mo Tīsemá. ʻE maʻu tonu ʻa e ngaahi pōpoaki konifelenisí ʻi he makasini ʻo Mē mo Nōvemá.

Makehe mei hono fakakau ʻo e ngaahi fakamatala fakalūkufua nounoú, ngaahi fakatātā fakaʻofoʻofá, ngaahi tokoni ki he akó, mo e folofola ʻoku fakafekauʻakí, ʻe maʻu atu ʻi he Kiʻi Tohi Fakamatala ʻo e Konifelenisí, ha ngaahi ʻekitivitī mahinongofua. ʻE toe fakakau atu foki ai mo ha ngaahi talanoa ʻa e kāingalotú pe ko e ngaahi fehuʻi ki he ongoongoleleí ʻoku tali ʻe he ngaahi pōpoaki ʻo e konifelenisí.

Lolotonga ʻoku fokotuʻutuʻu e Kiʻi Tohi Fakamatala ʻo e Konifelenisí ke fakamanatuʻi ʻa e ngaahi pōpoaki mei he ngaahi konifelenisi lahi fakamuimuitahá, ʻoku ʻi ai mo e ngaahi meʻa kehe ʻe tokoni ki he fakatahaʻanga ʻo e ngaahi konifelenisi ka hoko maí.

ʻE ʻi he peesi ʻe taha ki he fā pē ʻa e konga ʻo e Kiʻi Tohi Fakamatala ʻo e Konifelenisí pea te ne fakafetongi ʻa e konga angamaheni ko ia ko e Ngaahi Meʻa Iiki mo Mahinongofuá ʻi he makasini Liahoná mo e Ensign.

ʻOku tokoni ʻa e konga foʻou ʻo e Kiʻi Tohi Fakamatala ʻo e Konifelenisí ʻi he Liahoná mo e Ensign ke fakamanatu ʻa e ngaahi meʻa mahuʻinga mei he konifelenisí ʻi he ngaahi māhina hili ʻa e konifelenisi lahí.