Mga Ideya sa Family Home Evening

Kini nga isyu naglangkob og mga artikulo ug mga kalihokan nga mahimong magamit alang sa family home evening. Ang mosunod mao ang duha ka mga ideya.

“Unsaon sa Pagpili og Maayong mga Higala,” pahina 53: Paggunting gikan sa mga magasin og pipila ka litrato sa mga batan-ong mga lalaki ug babaye ug paghimo og gamayng profile sa kada litrato. Sama pananglit, ipakita nimo ang litrato sa usa ka batan-ong lalaki ug moingon, “Kini si Aaron. Dili siya miyembro sa Simbahan, apan kanunay siyang moadto sa sinagoga uban sa iyang pamilya. Ganahan siyang magdula og sports ug mogamit og limpyong pinulongan.” Paghimo og profile sama niini sa kada litrato. Pangutan-a inyong mga anak kon asa niining mga tawhana ang mga buotan. Basaha ang Santiago 2:23 ug hisguti ang mga pamaagi nga kita mahimong buotang mga higala uban sa Langitnong Amahan.

“Si Jesukristo Mao ang Atong Manluluwas,” pahina 74: Hapit na ang Pasko sa Pagkabanhaw [Easter]! Mahimo mo mobuhat og usa ka espesyal nga butang niining panahona aron sa pag-ila sa mga panalangin gikan ni Jesukristo. Kada adlaw atol sa panihapon, ang kada sakop sa pamilya magpuli-puli sa pagpakigbahin sa mga panalangin nga iyang nadawat nianang adlawa. Kamo makahinumdom niini nga mga panalangin pinaagi sa pagbutang og mga dyolin diha sa usa ka garapon—usa ka dyolin matag panalangin. Mahimo ninyong ipaila kini nga ideya atol sa family home evening pinaagi sa pagbasa og kasulatan mahitungod sa kinabuhi ni Jesukristo; dayon hangyoa ang inyong mga anak sa pag-drawing kon unsay nahitabo diha sa kasulatan. Panganta og “Maninguha Kong Mahimong Mahisama Kang Jesus” (Songbook sa mga Bata, 40) o laing kanta mahitungod sa Manluluwas.

Sa Inyong Pinulongan

Ang Liahona ug ubang mga materyal sa Simbahan anaa sa daghang mga pinulongan sa languages.lds.org .

Aron makakonektar sa Liahona diha sa Facebook ug makadawat og dinasig nga mga mensahe, bisitaha ang facebook.com/liahona.magazine