Notebook sa Komperensya sa Oktubre 2013

“Unsa nga Ako ang Ginoo namulong, Ako namulong; … bisan pinaagi sa akong kaugalingon nga tingog o pinaagi sa tingog sa akong mga sulugoon, kini managsama ra” (D&P 1:38).

Samtang kamo magribyu sa kinatibuk-ang komperensya sa Oktubre 2013, inyong magamit kining mga pahina (ug mga Notebook sa Komperensya sa umaabut nga mga isyu) aron sa pagtabang kaninyo sa pagtuon ug paggamit sa bag-o nga mga pagtulun-an sa buhi nga mga propeta ug mga apostoles ug ubang mga lider sa Simbahan.

Sa pagbasa, pagtan-aw, o pagpaminaw sa mga pakigpulong sa kinatibuk-ang komperensya, bisitaha ang conference.lds.org.

Propetikanhon nga Saad

Natural lang nga dunay mga pangutana—ang gamayng liso sa matinuorong pangutana sagad mogitib ug mohingkod sa pagkadakong kahoy sa panabut. Dunay pipila ka miyembro sa Simbahan kinsa, sa usa ka higayon, wala makasulay og seryuso o sensitibong mga pangutana. Usa sa mga katuyoan sa Simbahan mao ang pag-alima ug pag-ugmad sa liso sa pagtuo—bisan sa balason nga yuta sa pagduhaduha ug kawalay kasiguroan. Ang hugot nga pagtuo molaum sa mga butang diin dili makita diin mga tinuod. [Tan-awa sa Mga Hebreohanon 11:1 Alma 32:21].

“Busa, akong mga kaigsoonan—akong mga higala—palihug, duhaduhai una ang imong pagduhaduha sa dili pa mo magduhaduha sa inyong pagtuo. Dili gayud nato tugutan nga himoon kitang binilanggo sa atong pagduhaduha ug ilayo kita sa diosnong gugma, kalinaw, ug gasa nga moabut pinaagi sa pagtuo kang Ginoong Jesukristo.”

Presidente Dieter F. Uchtdorf, Ikaduhang Magtatambag sa Unang Kapangulohan, “Dali Pakig-uban Kanamo,” Liahona, Nob. 2013, 23.

Mapanagnaong mga Pulong sa Kaminyoon

“Ang kaminyoon tali sa lalaki ug babaye sukaranan sa doktrina sa Ginoo ug importante sa mahangturong plano sa Dios. Ang kaminyoon tali sa lalaki ug babaye mao ang sumbanan sa Dios sa kahingpitan sa kinabuhi dinhi sa kalibutan ug didto sa langit. Ang sumbanan sa Dios sa kaminyoon dili mahimong abusuhan, dili saypon pagsabut [tan-awa sa Mateo 19:4–6]. Kana kon gusto kamo og tinuod nga kalipay. Ang sumbanan sa Dios sa kaminyoon nanalipod sa sagradong gahum sa paglalang og kinabuhi ug sa kalipay sa tinuod nga kasuod sa kaminyoon. Nasayud kita nga si Adan ug Eva giminyo sa Dios sa wala pa sila makasinati sa kalipay sa panaghiusa isip bana ug asawa.”

Elder Russell M. Nelson sa Korum sa Napulog Duha ka mga Apostoles, “Mga Desisyon alang sa Kahangturan,” Liahona, Nob. 2013, 108.

Mga Tubag alang Kaninyo

Matag komperensya, ang mga propeta ug mga apostoles mohatag og dinasig nga mga tubag sa pangutana sa mga miyembro sa Simbahan. Gamita ang inyong Nobyembre 2013 nga isyu o bisitaha conference.lds.org sa pagpangita og mga tubag niini nga mga pangutana:

• Unsay akong mabuhat kon ang usa ka sakop sa pamilya mobiya gikan sa ebanghelyo? Tan-awa sa Henry B. Eyring, “Ngadto sa Akong mga Apo.”

• Aduna bay luwas nga dapit sa pagpadako sa among mga anak? Tan-awa sa Boyd K. Packer, “Ang Yawe sa Espirituhanong Panalipod.”

• Ngano nga importante ang impluwensya sa mga babaye? Tan-awa sa D. Todd Christofferson, “Ang Moral nga Impluwensya sa mga Babaye.”

Mga Susama og Kahulugan: Gugma sa Dios

Pipila sa labing importante nga mga hilisgutan gihisgutan sa sobra sa usa ka mamumulong sa kinatibuk-ang komperensya. Ania unsay gisulti sa tulo ka mga mamumulong mahitungod sa gugma sa Dios alang nato:

• “Ang inyong Langitnong Amahan nahigugma kaninyo—kada usa ninyo. Kana nga gugma dili gayud mausab. … Anaa ra kini kanunay.”¹—Presidente Thomas S. Monson

• “[Ang Manluluwas] kanunay nga duol, ilabi na sagradong mga dapit ug mga panahon sa panginahanglan; ug usahay, nga wala gyud nako damha, mobati ko sa Iyang pagpikpik sa akong abaga aron pagpahibalo nga Iya kong gihigugma.”²—Elder Terence M. Vinson sa Seventy

• “Ako mosaksi nga walay langyaw sa atong Langitnong Amahan. Walay usa ka kalag nga dili bililhon alang Kaniya.”³—Bishop Gérald Caussé, Unang Magtatambag sa Presiding Bishopric

Mubo nga mga sulat

1. Thomas S. Monson, “Wala Kita Mag-inusara,” Liahona, Nob. 2013, 123, 124.

2. Terence M. Vinson, “Magpaduol sa Dios,” Liahona, Nob. 2013, 106.

3. Gérald Caussé, “Kamo Karon Dili na mga Langyaw,” Liahona, Nob. 2013, 51.

Mga Pundo sa Ward ug General Missionary

Napasalamat ko sa inyong mabination nga kontribusyon. Ang panginahanglan og tabang padayon pa, aron kita padayong makatabang niadtong nagtinguha nga makaserbisyo apan sila, walay igo nga ikagasto niini.

Presidente Thomas S. Monson, “Welcome sa Komperensya,” Liahona, Nob. 2013, 4–5.