Sama ra nga Manag-Penpal
Ang higala sa akong pamilya nga si Aleksander misulti nako mahitungod sa iyang pag-umangkong babaye nga si Lule.* Kaedad nako siya, ug gusto ni Aleksander nga maila-ila nako siya. Wala ko maghunahuna niini, apan paglabay sa pipila ka semana, gidugang ko niya isip higala diha sa Facebook.
Hi, Stephanie! Ako si Lule, pag-umangkong babaye ni Aleksander. Miingon siya nako nga ikaw ug ako kaedad.
Hey, Lule. Nakahinumdom ko nga nakadungog kabahin nimo. Miingon si Aleksander nga ikaw nagpuyo sa Albania. Nindot kana!
Kataw-anan kana—alang nako, ang pagpuyo sa America mas nindot! Hahaha. Unsay imong buhaton karong katapusan sa semana?
Duna koy dula sa basketball sa Sabado sa buntag, dayon moadto ko sa usa ka templo sa Santos sa Ulahing mga Adlaw. Pagka-Dominggo mosimba ko. Unsay imong gibuhat?
Dili kaayo daghan. Nakakita ko og litrato sa Salt Lake Temple diha sa Internet. Maanindot kini! Ang akong tiyo miingon nako nga ikaw usa ka Mormon, sama niya. Nakakuyog ko niya sa simbahan pipila ka higayon. Ganahan kaayo ko! Ganahan kong moadto matag semana, apan sa kasagaran duna koy mga butang nga buhaton uban sa akong pamilya matag Dominggo.
Kon gusto ka, akong isulat ang gitudlo sa simbahan matag semana ug ipadala kini nganha nimo. Sa ingon niana nga paagi ikaw makakat-on unsay among gituohan.
Oh, salamat! Ganahan kong maminaw unsay inyong gihisgutan.
Hey, Lule! Manghinaut ko nga maayo ang imong semana. Nindot ang Simbahan kagahapon. Ania ang pipila ka sulat nga akong gihimo. Naghisgot kami og daghan mahitungod sa pagserbisyo ug pag-ampo.
-
Kon kita moserbisyo sa ubang mga tawo, kita nagserbisyo sa Dios (basaha sa Mosiah 2:17 sa scriptures.lds.org).
-
Tan-awa ang “Dayton’s Legs” sa YouTube. Kabahin kini sa usa ka batang lalaki nga mitabang sa iyang higala, kinsa dunay cerebral palsy, sa pag-apil sa triathlon.
-
Ang Dios anaa alang nimo ug maminaw nimo kon ikaw mag-ampo. Akong nakita kini nga artikulo nga naghisgut bahin sa pag-ampo: lds.org/youth/article/how-to-pray.
Stephanie, salamat kaayo! Kadto nga video makapadasig kaayo! Ako nag-ampo og kadaghan, ug gustong kong mobuhat sa sakto nga butang, … apan unsaon nako pagkahibalo kon unsay akong gibuhat sakto?
Ang Istorya Nagpadayon …
Si Stephanie nagtudlo gihapon ni Lule sa ebanghelyo pinaagi sa pagpadala kaniya og mubo nga mga sulat ug pagtubag sa iyang mga pangutana. Miingon si Stephanie nga kon siya mohimo og mubo nga sulat ma-Dominggo, “ang mga leksyon mas magpabilin nako.” Ug pinaagi sa pagtubag sa mga pangutana ni Lule, si Stephanie dunay makahuluganon nga mga diskusyon kabahin sa ebanghelyo uban sa iyang mga ginikanan. Kini nga kasinatian nakatudlo usab ni Stephanie kabahin sa misyonaryo nga buhat. “Mahimo gihapon kong usa ka misyonaryo bisan og ako bata pa,” miingon siya.