Usa ka Tubag sa Iyang Pag-ampo
Ang tagsulat nagpuyo sa Gauteng, South Africa.
Usa ka gabii, usa ka higala sa laing tinuohan mibisita nako. Kasagaran mag-inusara ko nga magtuon sa kasulatan, ug gipagawas nako kini aron magtuon nianang gabhiuna. Gidasig ko sa pagdapit niya nga moapil sa akong pagtuon sa kasulatan, apan nahadlok ko ug misugod hinoon sa pagtuon nga nag-inusara. Nasayud ko nga akong gibaliwala ang aghat sa Espiritu. Human sa pipila ka minuto mabinantayong kong nangutana, “Ganahan ka ba nga magtuon sa kasulatan uban nako?” Sa walay pagduha-duha mitubag akong higala, “Oo.”
Dayon nagbasa mi sa Basahon ni Mormon. Siya nangutana nako, ug gibati nako ang Espiritu nga migiya nako samtang nagtubag ko. Nagpamatuod ko sa katinuod sa Basahon ni Mormon. Human niini, siya miingon kanako, “Naghilak ug nahadlok ko sa tibuok adlaw. Nag-ampo lang ko sa Dios og tabang sa dihang gidapit ko nimo nga magbasa sa kasulatan. Mas maayo akong gibati karon. Salamat.”
Gigamit ko sa Ginoo isip instrumento sa pagtubag sa usa ka pag-ampo ug pagserbisyo sa usa sa Iyang anak nga nanginahanglan. Nasayud ko nga ang mga aghat balaang mga instruksyon gikan sa maalamon, mahimayaon nga Amahan. Kon atong buntugon ang atong mga kahadlok, gitugutan nato Siya nga mapakita ang Iyang gahum pinaagi sa atong pagkamasulundon.