Tusigāmanatu Konafesi Aperila 2014

“O le mea ua fai atu ai A’u o le Alii, ua ‘Ou fai atu ai; … pe i lo’u lava leo po o i le leo o a’u auauna, ua tutusa lava” (MF&F 1:38).

A o e iloiloina le konafesi aoao ia Aperila 2014, e mafai ona e faaaogaina itulau nei (ma Tusigāmanatu o le Konafesi i lomiga i le lumanai) e fesoasoani ai ia te oe e suesue ma faaaoga aoaoga talu ai nei a perofeta soifua ma aposetolo ma isi taitai o le Ekalesia.

Ina ia faitau, maimoa, faalogologo i ai, po o le faasoa atu o lauga o le konafesi aoao, asiasi i le conference.lds.org.

O Le Puipuiga mai Ponokalafi

“E faapefea ona tatou puipuia a tatou fanau ma autalavou? … O le faamama silisili i le lalolagi, ma e na o le pau lea o le mea o le a iu ina aoga, o le faamama lea e i totonu o le tagata lava ia lea e oo mai i se molimau loloto ma tumau o le alofa o lo tatou Tama Faalelagi ma le taulaga togiola a lo tatou Faaola mo i tatou taitoatasi. …

“… E tatau ona ou molimau atu i faamanuiaga o le suesue i tusitusiga paia i aso uma, ma tatalo, ma afiafi faaleaiga faalevaiaso. O faataitaiga tonu ia o le a fesoasoani i le aveesea o le popole, ma taitaia o tatou olaga, ma faaopoopo atu se puipuiga i o tatou aiga.”

Linda S. Reeves, fesoasoani lua i le au peresitene aoao o le Aualofa, “Puipuiga mai Ponokalafi—o se aiga e Taulai atu ia Keriso,” Liahona, Me 2014, 16.

Saili le fesoasoani mo tagata taitoatasi ma aiga i le faatoilaloina o ponokalafi i le lds.org/go/overcome914.

O Tali mo Oe

O konafesi taitaisi, e tuuina mai ai e perofeta ma aposetolo ni tali musuia i fesili atonu o i ai a tagata o le Ekalesia. Faaaoga lau lomiga o Me 2014 pe asiasi i le conference.lds.org e sue ai tali i fesili nei:

• E faapefea ona ou puipuia o’u talitonuga i le faaaloalo ma le alofa? Saili i le lds.org/go/holland914 po o le tagai ia Jeffrey R. Holland, “O Le Tau—ma Faamanuiaga—o le Avea ma Soo,” 6.

• E mafai faapefea e le Togiola a Iesu Keriso ona fesoasoani ia i tatou e avea ma se punaoa mamana mo le faasoaina atu o le upu moni? Saili i le lds.org/go/scott914 po o le tagai ia Richard G. Scott, “Ua Ou Avatu le Faaaoao ia te Outou,” 32.

Faia o se Siata o le Ala o le Feagaiga mo Lou Aiga

“Sa fesoasoani lenei gaoioiga faigofie ia te au ma Lesa i le faataunuuina o le ma matafaioi e fesoasoani ai i tagata taitoatasi o ma aiga i le aluga o le ala o feagaiga, faatasi ai ma se fuafuaga e faatino mo i latou taitoatasi.” —Epikopo Gary E. Stevenson, Epikopo Pulefaamalumalu, “O Lau Fa Minute,” 86.

1. Fai ni koluma se lua i luga o se fasi pepa: “Igoa” ma le “Fuafua mo le sauniga na sosoo ai po o le manaomia.”

2. Lisi ia tagata taitoatasi o le aiga e manaomia ona papatisoina, faauuina i le perisitua, mauaina o faaeega paia o le malumalu, po o le faamauina.

3. Fai ni talanoaga faaleaiga, lesona o afiafi faaleaiga, po o le faia o isi sauniuniga mo le mauaina o sauniga taua i lou aiga.

Lalo: ata na pueina o le kiona e Andrew Park/iStock/Thinkstock; ata na pueina o fugalaau e neirfy/iStock/THinkstock

• Loto faafetai

• O Le Togiola ma Feagaiga