O Le Tusi ma le Faavaa Lanu Samasama
E alala le tusitala i Polivia.
Sa nofo Randol i Polivia. Sa fiafia o ia e alu i le aoga, ma sa ia tausia faalelei ana meaaoga. O lana tusi e fiafia lava i ai e i ai se faavaa lanu samasama ma manaia ata.
I se tasi aso na le mafai e Randol ona maua lana tusi lanu samasama. Sa fesoasoani lona tina ma lona tama ia te ia e su’e, ae lei mafai lava ona maua.
Sa matuai faanoanoa ia Randol . “Ta tatalo,” o le fai mai lea a le tama o Randol. “O le a ta ole atu i le Tama Faalelagi e fesoasoani ia i tatou.”
Ina ua uma le tatalo, na maua e le tama o Randol se manatu.
“Sei o ta talanoa atu i lou uso,” o lana tala lea. “Atonu e faaaoga e lana fanau le tusi lava lea e tasi, ma o le a latou faataga oe e nono mai.”
“O le tali lenei i la tatou tatalo,” o le mafaufauga lea o Randol.
Na ō le aiga o Randol i le faleoloa o le uso o lona tama. Sa latou fesili ia te ia e uiga i le tusi lanu samasama. Fai mai le uso o lona tama e le i faaaogaina lava e lana fanau lena tusi.
O lenei la ua le mautonu Randol. Mata o le a le tali mai le Tama Faalelagi i le la tatalo?
O le taimi tonu lea na oo ane ai nisi o alii i le faleoloa o le uso o le Tama e faatau atu ni tusi. Na ia i latou le tusi e faavaa lanu samasama!
Na faatau e le tama o Randol le tusi. Sa faafetaia e Randol ia Tama Faalelagi mo le taliina o lana tatalo.
Ata na tusia e Bryan Beach