Tali o le Konafesi
Ina ua maliu le tina o lou Tinamatua o Edwards, sa ma faanoanoa ma lo’u uso laititi o, Mia. E ui lava ina ta’u mai e o’u matua o le a matou toe vaaia lo matou tinamatua i se aso ma avea o se aiga faavavau, sa matou popole.
Na fai mai lo’u tama e mafai ona matou tatalo ina ia taliina a matou fesili e uiga i a tina matua Edwards i le konafesi aoao. Sa ou tatalo ina ia iloa pe o fiafia Tinamatua Edwards. Sa tatalo Mia ina ia iloa pe ua faatasi Tinamatua Edwards ma lona toalua ma lona afafine, o e ua maliliu uma.
I le taimi o le sauniga o le taeao o le Aso Sa o le konafesi, na matou faalogologo, ma faalogoina le perofeta o tali i a matou fesili! Na saunoa mai Peresitene Monson faapea pe a oti le tagata, e pei o loo o atu i totonu o se potu ua faatumulia i i tagata uma o le aiga latou te alolofa i ai na maliliu muamua atu ia te i latou. O lea na iloa ai e Mia o Tinamatua Edwards ua faatasi ma lona toalua ma lana tama teine. Ona faitauina lea e Peresitene Monson se vaega mai le Tusi a Mamona o loo faapea mai o agaga o e amiotonu o le a alu atu i se tulaga o le fiafia (tagai i le Alema 40:11–12).1 O Tinamatua Edwards e taumafai i taimi uma e filifili le mea sa’o, o lea sa ou iloa ai o loo fiafia o ia.
Sa ma matua fiafia lava ma Mia e iloa o loo saunoa le perofeta mo le Atua ma e tali mai le Atua ia tatou tatalo. Ma te le o toe popole ia Tinamatua Edwards. Ua ma iloa afai tatou te mulimuli i ana faataitaiga o le filifilia o le mea sa’o, o le a ma toe vaai ia te ia i se aso.
Ata na tusia e Karen Lee
Mia (agavale) ma Abby