Manatu mo Afiafi Faaleaiga

O lenei lomiga o loo i ai tusiga ma gaoioiga e mafai ona faaaoga mo afiafi faaleaiga. O manatu nei e lua.

”Faamaloloina o Manu’a o loo Natia, itulau e 14: Vaai i fesili i le itulau e 18 o lenei tusiga ma mafaufau e faataatia ese se taimi e talanoa ai i tagata taitoatasi o lau fanau e uiga i ponokalafi. Talu ai ona o nisi taimi e liliu atu talavou i ponokalafi e taulima ai luitau, ia mafaufau i le iloiloina o le faataitaiga o le a e faia i le auala e taulima ai luitau ma se tautinoga i lau fanau e faaleleia atili ai. Mo lau lesona, e mafai ona filifili ia tulafono o le komepiuta a le aiga ma toe iloilo le lauga o konafesi aoao i le mama (e pei o Elaine S. Dalton, “Se toe foi Atu i le amio Lelei,” Liahona, Nov. 2008, 78). E mafai foi ona e faaaogaina meatotino e manatua ai aiga—e pei o ata o faaipoipoga ma ofu na faamanuia ai pepe—e faasoa atu ai le tala e uiga i auala ua faamanuiaina ai e le ola mama lou olaga.

“O Mealilo e Sefulu o le Lauiloa Moni, itulau e 62: Mafaufau e faaaoga ia mataupu faavae o loo i le tusiga lenei e aoao atu i lau fanau e uiga i le auala e mafai ai ona latou faia ni faauooga. E mafai ona e faia ni upu i fasipepa se 10, tasi mo amioga taitasi o le alofa moni i le tusiga (tagai foi i le 1 Korinito 13). Fai atu i tamaiti pe faapefea e uiga taitasi ona avea ai i latou ma se uo lelei. Ona faailoa lea o se tasi o manaomia le fesoasoani i lau uarota po o le paranesi po o le pitonuu ma tuuina mai ni auala e auauna atu ai i lena tagata. Atonu e te manao e faataunuu ai lau fuafuaga e auauna atu i le taimi lava lea ma amata i le tatalo mo le alofa mama o se aiga.

I Lau Gagana

O loo maua le Liahona ma isi tusi a le Ekalesia i le tele o gagana i languages.lds.org.