O Uo mai le salafa o le Lalolagi
O A’u o Minna mai Suetena
E alala le tusitala i Iuta, ISA.
Hallå, Vänner!*
Mata e te manao e nofo i totonu o se faleaoga? O Minna ma lona aiga e nonofo i se nuu maotua i saute o Suetena. O lo latou fale sa avea muamua ma se faleaoga i le tele o tausaga ua mavae. Sa ia fai mai o le vaega sili ona lelei o le i ai o se potu tele i le fale mo le toatele o tagata. Ia Tesema, e valaaulia ai e le aiga o Minna ia tuaoi, o uo, ma aiga i lo latou fale mo se “pesepesega” faapitoa. E tusa ma le 80 tagata e o mai e pepese faatasi i pese o le Kerisimasi. Ona latou aai fiafia lea i taumafataga mama a o lei toe foi atu tagata uma i fafo i le tau malulu o Scandinavian.
O se kukama telē lenei sa ou pikiina mai i la matou togalaau.
I la’u aoga e na o a’u le tagata o le Ekalesia, o lea ou te taumafai ai e faasoa atu le talalelei i au uo. E masani lava ona ou aumaia nisi o au uo mai le aoga i oʼu aso o gaoioiga a le Peraimeri. O lona uiga ua avea a’u ma se faifeautalai i le taimi nei, e pei lava o o’u uso.
Ou te fiafia e tuu puna i luga o le tapoleni osooso. Ou te fiafia foi e tata le piano ma le fagufagu.
O a’u e 10 tausaga le matua ma o le uii o fanau e toa 9 i lo’u aiga. E toalua o’u uso o loo auauna atu i ni misiona—o se tasi i Farani ma le isi i le Lotoa o le Malumalu i Iuta.
O se tasi o mea ou te fiafia e fai faatasi ma lo’u aiga o le tietie atu i matū i le laumua o Suetena o Stockholm. Ou te fiafia e asiasi atu i o’u matua matutua ma isi tagata o le aiga o loo nonofo ai iina.
E fiafia lo’u aiga e a’au faatasi. I le taumafanafana, matou te o ai i se vaituloto e lata ane i lo matou fale. I le taumalulu, matou te o ai i se fale o loo i ai i totonu le tele o vaitaele ma vaifaasee.
Ata pue o Stockholm, saunia e Mark Oleksiy/Hemera/Thinkstock; ata na tusia e Brad Teare