O Perofeta o le Feagaiga Tuai

Malaki

“Ua poloaiina e [Iesu] i latou e tatau ona latou tusia upu ia na tuuina atu e le Tama ia Malaki” (3 Nifae 24:1).

O lo’u igoa o lona uiga o “la’u avefeau,” ma i lena matafaioi ua ou tauina atu le “avega o le afioga a Ieova ia Isaraelu.”¹ I lo’u vaitaimi, e tusa ma le 450 tausaga a o lumanai le soifua mai o Keriso,² o le toatele o tagata Iutaia na amata ona lotovaivai, ma ua le o toe ola amiotonu.³ Na aoaiina i latou e le Alii e ala i au aoaoga.

O faitaulaga Iutaia mai le ituaiga o Levi na masani lava ona tuuto atu i le tuuina atu o sauniga, ae sa piopio sa Levi i lo’u vaitaimi. Sa le loto faafetai i latou, sa mumusu e ava i le Atua, ma ofoina mai taulaga o areto leaga ma manu le mamai.⁴ Ua latou solia le feagaiga o le perisitua na faia e le Atua ma Levi.

Sa—le na o ositaulaga—na leaga, sa faapena foi tagata. Sa latou faaipoipo i fafo atu o le feagaiga, tete’a ma ava na faaipoipo i ai a o talavou, ma mumusu e totogi a latou sefuluai ma taulaga.⁵

Ae a o fetalai mai le Alii i nei faiga faatiapolo, sa naunau o Ia e faamagalo atu ona e alofa i Lona nuu: “Foi mai ia te au, ona ou foi atu lea ia te outou.”⁶ O se tasi o auala e toe foi atu ai i le Alii o le aumaia lea o “sefuluai a’i [o] a outou mea uma lava i le fale e tuu ai mea.”⁷

Na muimui tagata, “E le aoga ona auauna atu i le Atua: … ua atiina ae foi e ua fai amio leaga [manuia],”⁸ ae sa ou aoaoina o igoa o i latou o e “matatau i le Alii … ma mafaufau i lona suafa” na tusia ai i se “tusi faamanatu.”⁹

Ou te vavalo atu foi i le Afio Mai Faalua o le Alii, o e amioleaga “e pei o tagutugutu o saito” ae o i latou o e matatau i Lona suafa “e alu ae ia te outou le La o le amiotonu ma malolo ai ona apaau.”¹⁰

Ou te vavalo atu a o lei oo i le Afio Mai Faalua, o le a oo mai le perofeta o Elia e toefuatai mai ki o le perisitua o le a “liliu atu [ai] loto o tama i fanau, ma loto o fanau i o latou tama.”¹¹

E ala i a’u aoaoga, ua tatou iloa ai e manatua e le Alii Lona nuu ma tausia Ana folafolaga i Ana fanau faamaoni. E finagalo o Ia ia tatou maua le faatuatua i nei folafolaga, ma, e ala i le salamo, e toe foi atu ai ia te Ia.¹²

Faamatalaga

1. Malaki 1:1.

2. Tagai i le Taiala i Tusitusiga Paia, “Malaki,” 116.

3. Tagai i le Taiala o le Feagaiga Tuai a Tamaiti Aoga o le Seminare (2002), 193.

4. Tagai i le Malaki 1:2, 6–14; tagai foi i le Taiala o le Feagaiga Tuai a le Faiaoga, o Mataupu Faalelotu 301–2 (1994), 109–110.

5. Tagai Malaki 2:11, 14–16; 3:8.

6. Malaki 3:7.

7. Malaki 3:10; tagai foi LeGrand Richards, “The Second Coming of Christ, Ensign, May 1978, 75.

8. Malaki 3:14–15.

9. Malaki 3:16.

10. Malaki 4:1–2.

11. Malaki 4:6; tagai foi Mataupu Faavae ma Feagaiga 110.

12. Tagai i le Punaoa a le Faiaoga o le Feagaiga Tuai (2003), 215.

Ata o maa na puenia e Pavlo Vakrushev/iStock/Thinkstock; ata pue o aso na saunia e aksphoto/iStock/Thinkstock