Tatou Te Manatua ma Tapuai i Lo Tatou Faaola, o Iesu Keriso

Saunia e Erin Sanderson ma Jean Bingham

E alala tusitala i Iuta, ISA.

Aoao atili e uiga i le autu o le Peraimeri o le masina lenei!

I taimi ua leva na fetalai atu ai le Tama Faalelagi i Ana perofeta e uiga i se meaalofa ofoofogia o le a Ia auina mai i le lalolagi atoa. O lena meaalofa o Lona lava Alo, o Iesu Keriso, o le a afio mai i le lalolagi e avea ma o tatou Faaola. O le a faaali mai e Iesu ia i tatou le ala e ola ai ina ia mafai ona tatou toe foi atu i le Tama Faalelagi. Na taulai atu ma le olioli tele ia perofeta i le taimi o le a soifua mai ai Iesu.

Ina ua ta’u atu e agelu i leoleo mamoe na lata ane i Peteleema o le pepe faapitoa, le Alo o le Atua ua fanau mai, sa latou lagonaina le olioli tele. Na latou faananati atu e vaai ma tapuai ia te Ia.

I laueleele o Amerika, na iloa e sa Nifae ua soifua mai o Ia ina ua malamalama pea le lagi i le po atoa e ui na goto le la. Na latou lagonaina foi le olioli tele ma faafetai i le Tama Faalelagi mo le meaalofa o Lona Alo.

I o tatou aso tatou te manatuaina ma faamanatu le soifua mai o Iesu Keriso i le taimi o le Kerisimasi. Tatou te faaalia lo tatou olioli ma le agaga faafetai mo le meaalofa a lo tatou Faaola e ala i le mulimuli i Lana faataitaiga o le tuuina atu o le alofa i isi i le tele o auala e mafai ona tatou faia ai.

Agavale: ata na tusia e Paul Mann